|
బౌండరీ వద్ద ఫీల్డింగ్ చేస్తోన్న షెల్డన్
అయితే, అదే సమయంలో బౌండరీ వద్ద ఫీల్డింగ్ చేస్తోన్న షెల్డన్ కాట్రెల్ పరుగెత్తుకు వచ్చి ఎడమ చేత్తో దానిని ఒడిసిపట్టేశాడు. అయితే, బౌండరీకి అతి సమీపంలో ఉండటంతో చురుగ్గా స్పందించి బంతిని గాల్లోకి విసిరేశాడు. బౌండరీ వెలుపలికి వెళ్లి, తిరిగి మైదానంలోకి వచ్చి బంతిని అందుకున్నాడు.
ట్విట్టర్లో పోస్టు చేసిన ఐసీసీ
ఇందుకు సంబంధించిన వీడియోని ఐసీసీ తన ట్విట్టర్లో అభిమానులతో పంచుకుంది. కాగా, ఈ మ్యాచ్లో తొలుత బ్యాటింగ్ చేసిన ఆస్ట్రేలియా 49 ఓవర్లలో 288 పరుగులకు కుప్పకూలింది. ఆసీస్ జట్టులో కౌల్టర్-నైల్(92; 60 బంతుల్లో 8 ఫోర్లు, 4 సిక్సులు), మాజీ కెప్టెన్ స్టీవ్ స్మిత్ (103 బంతుల్లో 73; 7 ఫోర్లు), అలెక్స్ క్యారీ (55 బంతుల్లో 45; 7 ఫోర్లు) రాణించారు.
15 పరుగుల తేడాతో వెస్టిండిస్ ఓటమి
విండిస్ బౌలర్లలో కార్లోస్ బ్రాత్వైట్ (3/67) మూడు వికెట్లు పడగొట్టాడు. అనంతరం లక్ష్య చేధనలో షై హోప్ (105 బంతుల్లో 68; 7 ఫోర్లు), నికొలస్ పూరన్ (36 బంతుల్లో 40; 5 ఫోర్లు, సిక్స్), కెప్టెన్ హోల్డర్ (57 బంతుల్లో 51; 7 ఫోర్లు, సిక్స్) రాణించినా విండిస్ 9 వికెట్లకు 273 పరుగులే చేయగలిగింది. దీంతో ఆస్ట్రేలియా 15 పరుగుల తేడాతో విజయం సాధించింది.