'ప్రపంచకప్‌.. నం.4లో కేఎల్‌ రాహుల్‌నే ఆడించాలి'

నం.4లో రాహుల్‌నే ఆడించాలి:

ఈ నేపథ్యంలో టీమిండియా మాజీలు నాలుగో స్థానంపై తమ అభిప్రాయాలు వెల్లడిస్తున్నారు. ఈ క్రమంలో హర్భజన్‌ సింగ్‌ కూడా తన అభిప్రాయాన్ని తెలిపాడు. 'నం.4లో కేఎల్‌ రాహుల్‌ తప్ప నాకు మరెవరూ కనపడట్లేదు. ఐపీఎల్‌లో మంచి ప్రదర్శన చేసాడు. నాలుగో స్థానంలో కేఎల్ రాహుల్‌నే ఆడించాలి. అతనే ఆ స్థానానికి న్యాయం చేయగలడు' అని హర్భజన్‌ పేర్కొన్నారు.

వారికి స్వేచ్ఛనివ్వాలి:

'ప్రపంచకప్‌లో ఎంఎస్ ధోనీకి వీలైనంత స్వేచ్ఛ ఇవ్వాలి. అది సూచనల విషయంలో అయినా.. బ్యాటింగ్‌ విషయంలోనైనా. ధోనీని ఇదే స్థానంలో పంపాలి అని నియమాలేవీ పెట్టవద్దు. ధోనీతో పాటు హార్దిక్‌ పాండ్యకు కూడా స్వేచ్ఛనివ్వాలి. ఈ ఇద్దరికీ స్వేచ్ఛ ఇస్తే.. బాగా రాణించగలరు. ఇందుకు ఐపీఎల్‌ మంచి ఉదాహరణ. ఇద్దరు బ్యాటింగ్ లో ముందుకు వచ్చి పరుగులు చేశారు' అని భజ్జి గుర్తు చేశారు.

ధోనీ విధ్వంసాన్ని చూడాలనుకుంటున్నా:

'ధోనీ, పాండ్యల నుంచి ఎక్కువ సిక్స్‌లు ఆశిస్తున్నా. ముఖ్యంగా బౌలర్లపై ధోనీ విధ్వంసాన్ని చూడాలనుకుంటున్నా. బ్యాటింగ్‌ శైలి విషయంలో జట్టు మేనేజ్‌మెంట్‌ ఇద్దరికీ లైసెన్సులు ఇవ్వాలి. ఎలాంటి షరతులు పెట్టకూడదు. వారికి ఏ స్థానంలో బ్యాటింగ్‌ చేయాలని ఉంటే అక్కడే ఆడనివ్వాలి' అని హర్భజన్‌ సూచించారు.