ప్రపంచకప్‌లో భారత్‌ Vs పాక్‌..: ఆరుసార్లు భారతే విజేత

ICC Cricket World Cup 2019, India vs Pakistan World Cup score: 6 wins in 6 clashes, India reign supreme over arch-rival

చిరకాల ప్రత్యర్థులు భారత్‌, పాకిస్థాన్‌ జట్ల మధ్య మ్యాచ్ అంటే క్రికెట్ అభిమానులకు పండగే. ఈ రెండు జట్లు ఎన్నో ఉత్కంఠ మ్యాచ్‌లకు తెరలేపాయి. అందులోనూ ప్రపంచకప్‌లో ఈ రెండు జట్లు ఆడుతున్నాయంటే అభిమానుల్లో అంచనాలు భారీగా ఉంటాయి. 1992 నుండి 2015 ప్రపంచకప్‌ వరకు భారత్‌, పాక్‌లు ఆరుసార్లు తలపడగా.. ఆరుసార్లు భారతే విజేత. జూన్‌ 16న ఇరు జట్ల మధ్య మ్యాచ్ జరగనుంది. ఈ నేపథ్యంలో ప్రపంచకప్‌లలో భారత్‌, పాక్‌ మ్యాచ్‌లను ఓసారి పరిశీలిస్తే.

ఐసీసీ క్రికెట్ వరల్డ్‌కప్-2019 ప్రత్యేక వార్తల కోసం

1992 ప్రపంచకప్‌.. 43 పరుగులతో విజయం:

1992 ప్రపంచకప్‌.. 43 పరుగులతో విజయం:

1992 ప్రపంచకప్‌ ఆస్ట్రేలియాలో జరిగింది. భారత్‌, పాకిస్థాన్‌ తొలిసారి తలపడ్డాయి. తొలుత టాస్‌ గెలిచిన మహ్మద్‌ అజహరుద్దీన్‌ బ్యాటింగ్‌ ఎంచుకున్నాడు. సచిన్‌ (54; 62 బంతుల్లో 3x4) అర్ధ శతకం చేసాడు. టీమిండియా నిర్ణీత ఓవర్లలో ఏడు వికెట్ల నష్టానికి 216 పరుగులు చేసింది. లక్ష్య ఛేదనలో పాక్‌ 48.1 ఓవర్లలో 173 పరుగులకే ఆలౌట్ అయింది. భారత్‌ 43 పరుగులతో విజయం సాధించింది.

1996 ప్రపంచకప్‌.. 39 పరుగులతో గెలుపు:

1996 ప్రపంచకప్‌.. 39 పరుగులతో గెలుపు:

1996 ప్రపంచకప్‌ సొంత గడ్డపై జరిగింది. ఇరు జట్లూ రెండోసారి తలపడ్డాయి. ఈ మ్యాచ్‌లో మొదట టాస్‌ గెలిచిన భారత్‌.. 8 వికెట్లు కోల్పోయి నిర్ణీత 50 ఓవర్లలో 287 పరుగులు చేసింది. ఓపెనర్‌ సిద్దూ (93; 115 బంతుల్లో 11x4) శతకంకు దగ్గరలో పెవిలియన్ చేరాడు. అనంతరం లక్ష్యఛేదనకు దిగిన పాకిస్థాన్‌ 248 పరుగులే చేసింది. భారత్ 39 పరుగులతో విజయం అందుకుంది. అనిల్‌ కుంబ్లే, ప్రసాద్‌ తలో మూడు వికెట్లు తీసారు.

 1999 ప్రపంచకప్‌.. 47 పరుగులతో విజయం:

1999 ప్రపంచకప్‌.. 47 పరుగులతో విజయం:

1999 ప్రపంచకప్‌ ఇంగ్లాండ్‌లో జరిగింది. మాంచెస్టర్‌ వేదికగా భారత్‌, పాక్‌ మూడోసారి తలపడ్డాయి. ఈ మ్యాచ్‌లో తొలుత బ్యాటింగ్ చేసిన భారత్‌ నిర్ణీత ఓవర్లలో ఆరు వికెట్లు కోల్పోయి 227 పరుగులు చేసింది. రాహుల్‌ ద్రవిడ్‌ (61;89 బంతుల్లో 4x4) అర్ధ శతకం చేశాడు. లక్ష్య ఛేదనలో వెంకటేశ్‌ ప్రసాద్‌ ఐదు వికెట్లతో చెలరేగడంతో పాక్‌ 180 పరుగులకే ఆలౌట్ అయింది. భారత్ 47 పరుగులతో విజయకేతనం ఎగురవేసింది.

2003 ప్రపంచకప్‌.. 6 వికెట్లతో గెలుపు:

2003 ప్రపంచకప్‌.. 6 వికెట్లతో గెలుపు:

దక్షిణాఫ్రికాలో జరిగిన 2003 ప్రపంచకప్‌లో రెండు జట్లు నాలుగోసారి తలపడ్డాయి. ఈ మ్యాచ్‌లో టాస్‌ గెలిచిన పాక్‌ తొలుత బ్యాటింగ్‌ చేసి ఏడు వికెట్ల నష్టానికి 273 పరుగులు చేసింది. సయీద్‌ అన్వర్‌ (101; 126 బంతుల్లో 7x4) శతకం చేసాడు. అనంతరం ఛేదనలో సచిన్‌ (98; 75 బంతుల్లో 12X4, 1x6) ఆదుకున్నాడు. ఆకర్లో యువీ (50; 53 బంతుల్లో 6x4) అర్ధ శతకం చేసి భారత్‌ను విజయతీరాలకు చేర్చాడు. భారత్‌ ఆరు వికెట్ల తేడాతో గెలుపొందింది.

2011 ప్రపంచకప్‌.. 29 పరుగులతో విజయం:

2011 ప్రపంచకప్‌.. 29 పరుగులతో విజయం:

భారత్‌లో జరిగిన 2011 ప్రపంచకప్‌లో ఐదోసారి తలపడ్డాయి. టీమిండియా తొలుత బ్యాటింగ్‌ చేసి తొమ్మిది వికెట్ల నష్టానికి 260 పరుగులు చేసింది. సచిన్‌ (85; 115 బంతుల్లో 11x4) మరోసారి అర్ధ శతకం చేసాడు. లక్ష్య ఛేదనలో పాక్‌ 231 పరుగులకే ఆలౌటైంది. కెప్టెన్‌ మిస్బా ఉల్‌ హాక్‌ (56; 76 బంతుల్లో 5x4,1x6) అర్ధ శతకంతో చెలరేగినా.. పాక్ జట్టును కాపాడలేకపోయాడు. జహీర్‌ఖాన్‌, ఆశిశ్‌ నెహ్రా, మునాఫ్‌ పటేల్‌, హర్భజన్‌సింగ్‌, యువరాజ్‌ సింగ్‌ తలో రెండు వికెట్లు తీయడంతో.. టీమిండియా 29 పరుగులతో జయకేతనం ఎగురవేసింది.

2015 ప్రపంచకప్‌.. 76 పరుగులతో గెలుపు:

2015 ప్రపంచకప్‌.. 76 పరుగులతో గెలుపు:

ఆస్ట్రేలియాలో జరిగిన ఈ టోర్నీలో ఆరోసారి తలపడ్డాయి. ఈ మ్యాచ్‌లో విరాట్‌ కోహ్లీ (107; 126 బంతుల్లో 8x4) శతకం చేసాడు. శిఖర్‌ ధావన్‌ (73), సురేశ్‌ రైనా (74) లు కూడా చెలరేగడంతో నిర్ణీత ఓవర్లలో ఏడు వికెట్లు కోల్పోయి 300 భారీ స్కోరు సాధించింది భారత్. లక్ష్యఛేదనలో పాక్‌ 224 పరుగులకే కుప్పకూలింది. మిస్బా ఉల్‌ హాక్‌ (76; 84 బంతుల్లో 9x4, 1x6) మరోసారి మెరిసినా.. ఫలితం లేకపోయింది. 76 పరుగులతో టీమిండియా గెలుపు అందుకుంది.

For Quick Alerts
ALLOW NOTIFICATIONS
For Daily Alerts
Story first published: Friday, June 14, 2019, 12:17 [IST]
Other articles published on Jun 14, 2019
POLLS

Get breaking news alerts from myKhel

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more