ప్రపంచకప్ మెగా టోర్నీలో మరికాసేపట్లో ఆసక్తికర పోరు జరగబోతోంది. మాంచెస్టర్లోని ఓల్డ్ ట్రఫోర్డ్ వేదికగా తొలి సెమీస్లో భారత్, న్యూజిలాండ్ జట్లు తలపడబోతున్నాయి. టాస్ గెలిచిన న్యూజిలాండ్ కెప్టెన్ కేన్ విలియమ్సన్ బ్యాటింగ్ సెంచుకున్నాడు. ఈ మ్యాచ్ కోసం న్యూజిలాండ్ ఒక మార్పు చేసింది. సౌతీ స్థానంలో లుకీ ఫెర్గూసన్ జట్టులోకి వచ్చాడు. మరోవైపు భారత్ కూడా మార్పు చేసింది. కుల్దీప్ యాదవ్ స్థానంలో చహల్ వచ్చాడు.
ఐసీసీ క్రికెట్ వరల్డ్కప్-2019 ప్రత్యేక వార్తల కోసం
గత కొన్ని మ్యాచ్లలో ఓల్డ్ ట్రఫోర్డ్ పిచ్పై మొదట బ్యాటింగ్ చేసిన జట్టే గెలిచింది. ఈ వికెట్ బ్యాటింగ్తో పాటు మ్యాచ్ సాగే కొద్ది పేస్కు అనుకూలిస్తుంది. అయితే భారీ స్కోర్లకు అవకాశం ఉంది. భారత్ ఇప్పటికే ఇక్కడ పాక్, విండీస్లపై గెలవగా.. కివీస్ చేతిలో విండీస్ త్రుటిలో ఓడింది. ప్రస్తుతానికైతే మ్యాచ్కు వర్షం ముప్పు కేవలం 5% మాత్రమే ఉందని తెలుస్తోంది.
#KaneWilliamson has won the toss and elected to bat first in the first #CWC19 semi-final at Old Trafford!
— Cricket World Cup (@cricketworldcup) July 9, 2019
Good decision? 🤔
Follow #INDvNZ live on the official app ⬇️
APPLE 🍎 https://t.co/whJQyCahHr
ANDROID 🤖 https://t.co/Lsp1fBwBKR pic.twitter.com/lWwFnCxZFO
ప్రపంచకప్లో భారత్, న్యూజిలాండ్ జట్లు ఏడు సార్లు తలపడ్డాయి. నాలుగు మ్యాచ్ల్లో న్యూజిలాండ్ గెలిచింది. మూడు మ్యాచ్ల్లో భారత్ విజయం సాధించింది. ఈ రెండు జట్లు 2003 తర్వాత మళ్లీ ఓ ప్రపంచకప్ మ్యాచ్లో తలపడుతున్నాయి. 2003 ప్రపంచకప్ మ్యాచ్లో న్యూజిలాండ్పై భారత్ ఏడు వికెట్లతో గెలిచింది.
ఈ సెమీఫైనల్ మ్యాచ్ కోసం క్రికెట్ ప్రేమికులు ఉత్కంఠభరితంగా ఎదురుచూస్తున్నారు. గెలిచిన జట్టు ఫైనల్స్కి వెళ్తుంది. ఈ నేపథ్యంలో ఈ మ్యాచ్పై సర్వత్రా ఆసక్తి నెలకొంది. ఈ మ్యాచ్ టీంఇండియా గెలవాలని ప్రతి ఒక్క భారత క్రికెట్ అభిమాని కోరుకుంటున్నారు. ఈ మ్యాచ్లో టీమిండియానే హాట్ ఫేవరేట్గా బరిలోకి దిగుతోంది.
జట్లు:
భారత్: రోహిత్ శర్మ, కేఎల్ రాహుల్, విరాట్ కోహ్లీ (కెప్టెన్), రిషబ్ పంత్, ఎంఎస్ ధోనీ, దినేష్ కార్తీక్, హార్దిక్ పాండ్యా, రవీంద్ర జడేజా, యజువేంద్ర చహల్, భువనేశ్వర్ కుమార్, జస్ప్రీత్ బుమ్రా.
న్యూజిలాండ్: మార్టిన్ గప్తిల్, హెన్రీ నికోల్స్, కేన్ విలియమ్సన్ (కెప్టెన్), రాస్ టేలర్, టామ్ లేథమ్, జిమ్మీ నీషమ్, కొలిన్ గ్రాండ్హోమ్, మిచెల్ శాంట్నర్, మాట్ హెన్రీ, ట్రెంట్ బౌల్ట్, లుకీ ఫెర్గూసన్.
{headtohead_cricket_3_4}