బొటన వేలుకు గాయం:
నెట్స్లో ప్రాక్టీస్ చేస్తుండగా కోహ్లీ కుడి చేతి బొటన వేలుకు గాయమైంది. గాయంతో కోహ్లీ విలవిలలాడడంతో టీమిండియా ఫిజియో పాట్రిక్.. కోహ్లీ బొటన వేలిపై స్ప్రే చల్లి ప్రథమ చికిత్స చేశాడు. అనంతరం కోహ్లీ కుదురుకున్నాడు. ప్రాక్టీస్ సెషన్ ముగింపు సమయంలో కోహ్లీ ఐస్ గ్లాస్లో వేలు పెట్టుకుని డగౌట్ చేరుకున్నాడు.
ఆందోళనలో అభిమానులు:
విరాట్ కోహ్లీకి అయిన గాయం బ్యాటింగ్ ప్రాక్టీస్ చేస్తుండగా అయిందా లేదా ఫీల్డింగ్ ప్రాక్టీస్ చేస్తుండగా అయిందా అనే సమాచారం తెలియరాలేదు. ప్రపంచకప్ లాంటి మెగా టోర్నీలో తొలి మ్యాచ్కు ముందు కోహ్లీకి గాయం అవ్వడంతో అందరూ ఆందోళనగా ఉన్నారు. ముఖ్యంగా భారత అభిమానులు. అయితే కోహ్లీ గాయంపై బీసీసీఐ, కోచ్ ఎలాంటి సమాచారం ఇవ్వలేదు. తొలి మ్యాచ్కు ఇంకా మూడు రోజుల సమయం ఉండడంతో కోహ్లీ కోలుకునే అవకాశం ఉంది.
జూన్ 5న తొలి మ్యాచ్:
ప్రపంచకప్ సమరం ఇప్పటికే ప్రారంభమయింది. ఫేవరేట్ జట్లు ఇంగ్లాండ్, ఆస్ట్రేలియాలు తొలి విజయాన్ని అందుకున్నాయి. హిట్టర్స్ జట్టు విండీస్ కూడా భారీ విజయాన్ని అందుకోగా .. దక్షిణాఫ్రికా అనూహ్యంగా ఓడిపోయింది. సౌథాంప్టన్ వేదికగా జూన్ 5న భారత్ తన తొలి మ్యాచ్లో దక్షిణాఫ్రికాతో ఆడనుంది. భారత్ ఫేవరేట్ జట్టుగా బరిలోకి దిగుతున్న విషయం తెలిసిందే. కోహ్లీ తొలిసారి ప్రపంచకప్లో టీమిండియా కెప్టెన్గా వ్యవహరిస్తున్నాడు.