ఇంగ్లాండ్‌-అఫ్గాన్‌ మ్యాచ్.. ఇంగ్లండ్‌ రికార్డులు ఇవే!!

ICC Cricket World Cup 2019 : England Team Records In WC Against The Match With Afghanistan
ICC Cricket World Cup 2019, England vs Afghanistan: Record Breaking ion Morgan Scales New Heights by Smashing 17 Sixes, England records

ప్రపంచకప్‌లో భాగంగా మాంచెస్టర్‌ వేదికగా మంగళవారం అఫ్గాన్‌తో జరిగిన పోరులో 150 పరుగుల భారీ తేడాతో ఇంగ్లండ్‌ జయభేరి మోగించింది. ఈ మ్యాచ్‌లో ఇంగ్లాండ్‌ కెప్టెన్‌ ఇయాన్‌ మోర్గాన్‌ (71 బంతుల్లో 148 పరుగులు, 4 ఫోర్లు, 17 సిక్సర్లు) సెంచరీ చేసాడు. ఇంగ్లీష్ బ్యాట్స్‌మన్‌ ఒక్కసారి క్రీజులో కుదురుకుంటే భారీ ఇన్నింగ్స్‌లు ఆడుతున్నారు. ప్రస్తుతం సొంత గడ్డపై జరుగుతున్న ప్రపంచకప్‌లో ఇంగ్లండ్‌ బ్యాట్స్‌మన్‌ అఫ్గానిస్తాన్‌పై చెలరేగి పలు రికార్డులు నెలకొల్పారు. వాటిని ఓసారి పరిశీలిస్తే.

ఐసీసీ క్రికెట్ వరల్డ్‌కప్-2019 ప్రత్యేక వార్తల కోసం

* మోర్గాన్ ఒకటి కాదు.. రెండు కాదు ఏకంగా 17 సిక్సర్లతో వన్డేల్లో చరిత్రాత్మక ఇన్నింగ్స్‌తో మెరిశాడు. దీంతో వన్డే ఫార్మాట్‌లో ఒక మ్యాచ్‌లో అత్యధిక సిక్సులు బాదిన ఆటగాళ్ల జాబితాలో మోర్గాన్ అగ్రస్థానంలో నిలిచాడు. ఈ క్రమంలో అంతకుముందు రోహిత్ శర్మ (16), వాట్సన్ (16), క్రిస్ గేల్ (16), ఏబీ డివిలియర్స్ (16) సిక్సుల రికార్డు బద్దలైంది.

* 17 సిక్సర్లతో ఒక ప్రపంచకప్‌ మ్యాచ్‌లో అత్యధిక సిక్సర్లు కొట్టిన ఆటగాడి రికార్డు సృష్టించాడు.

* మోర్గాన్ బాదుడుకు ప్రపంచ అత్యుత్తమ స్పిన్నర్‌ రషీద్‌ ఖాన్‌ దారుణంగా పరుగులు ఇచ్చాడు. 9 ఓవర్లలో 110 పరుగులు సమర్పించుకున్నాడు. రషీద్‌ ఖాన్‌ బౌలింగ్‌లో ఇంగ్లాండ్ జట్టు 11 సిక్సర్లు బాదింది. ఒక వన్డేలో ఓ బౌలర్‌ సమర్పించుకున్న అత్యధిక సిక్సర్లు ఇవే. 11 సిక్సర్లలలో మోర్గాన్‌ ఒక్కడే 7 సిక్సర్లు బాదాడు.

* ఈ ఒక్క మ్యాచ్‌లో మోర్గాన్‌ 17 సిక్సర్లు బాదితే.. ఇంగ్లాండ్‌ నాజీ కెప్టెన్ అలిస్టర్‌ కుక్‌ కెరీర్‌ మొత్తంలో 10 సిక్సర్లు బాదాడు. మరో ఇంగ్లాండ్‌ మాజీ కెప్టెన్‌ నాసిర్‌ హుస్సేన్‌ 15 సిక్సర్లు బాదాడు. ఇయాన్‌ మోర్గాన్ ఈ ఇన్నింగ్స్‌లో 148 పరుగులు చేస్తే.. 102 పరుగులు సిక్సర్ల ద్వారానే వచ్చాయి.

* మోర్గాన్‌ 57 బంతుల్లో సెంచరీ సాధించడంతో ప్రపంచకప్‌ చరిత్రలో ఫాస్టెస్ట్‌ సెంచరీ సాధించిన నాలుగో ఆటగాడిగా నిలిచాడు. ఈ జాబితాలో కెవిన్ ఒబ్రియన్‌ (50 బంతుల్లో ఇంగ్లండ్‌పై), మ్యాక్స్‌వెల్‌ (51 బంతుల్లో శ్రీలంకపై), ఏబీ డివిలియర్స్‌ (52 బంతుల్లో వెస్టిండీస్‌పై)లు ముందున్నారు.

* ఇంగ్లాండ్‌ ఇన్నింగ్స్‌లో మొత్తం 25 సిక్సర్లు నమోదయ్యాయి. వన్డేలో ఓ జట్టు బాదిన అత్యధిక సిక్సర్లు ఇవే. తన పేరిటే ఉన్న ప్రపంచ రికార్డును ఇంగ్లాండ్‌ బద్దలు కొట్టింది. ఈ ఏడాది ఫిబ్రవరిలో వెస్టిండీస్‌పై ఆ జట్టు 24 సిక్సర్లతో రికార్డు నెలకొల్పింది. 2015లో వెస్టిండీస్‌ 19 సిక్సర్లు బాదింది. దక్షిణాఫ్రికా (18 సిక్సర్లు), భారత్‌ (18 సిక్సర్లు)లు సంయుక్తంగా మూడో స్థానంలో ఉన్నాయి.

* ఈ మ్యాచ్‌లో ఇంగ్లాండ్‌ 397 పరుగులు చేసింది. ప్రపంచకప్‌లో ఇంగ్లాండ్‌ జట్టుకిదే అత్యధికం. అయితే ప్రపంచకప్‌లో ఇది ఆరో అత్యధిక స్కోరు.

* మోర్గాన్‌, రూట్‌లు 189 పరుగుల భాగస్వామ్యం నెలకొల్పారు. ఒక ప్రపంచకప్‌ మ్యాచ్‌లో ఇంగ్లండ్‌కు ఇదే అత్యుత్తమ భాగస్వామ్యం.

For Quick Alerts
ALLOW NOTIFICATIONS
For Daily Alerts
Story first published: Wednesday, June 19, 2019, 9:05 [IST]
Other articles published on Jun 19, 2019
POLLS

Get breaking news alerts from myKhel

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more