కుల్దీప్ మాయ: మ్యాచ్‌ని మలుపు తిప్పిన అద్భుత బంతి అదే (వీడియో)

క్రీజులో కుదురుకున్నాక

ఆ తర్వాత ఫకర్‌ జమాన్‌, బాబర్‌ అజామ్‌ (48) నిలకడగా ఆడి ఇన్నింగ్స్‌ను చక్కదిద్దారు. క్రీజులో కుదురుకున్నాక వీళ్లిద్దరూ దూకుడుగా ఆడటంతో 23 ఓవర్లకు 113/1తో పాక్‌ మంచి స్థితిలో నిలిచింది. ఈ సమయంలో చైనామన్ స్పిన్నర్ కుల్దీప్ యాదవ్ మామ చేశాడు. 24వ ఓవర్లో అద్భుతమైన బంతితో బాబర్ అజామ్‌ను బౌల్డ్‌ చేసి మ్యాచ్‌‌నే మలుపు తిప్పాడు.

బంతి గురించి ఎంత చెప్పినా తక్కువే

ఈ బంతి గురించి ఎంత చెప్పినా తక్కువే. ఆఫ్‌స్టంప్‌ మీదుగా పడిన బంతి అనూహ్యంగా టర్న్‌ తీసుకొని లోపలికి దూసుకొచ్చింది. బయటి వైపు ఆడేందుకు ప్రయత్నించిన బాబర్‌ పూర్తిగా అంచనా తప్పా డు. దీంతో బ్యాట్, ప్యాడ్‌ మధ్య నుంచి దూసుకుపోయిన బంతి బెయిల్స్‌ను ఎగరగొట్టింది. అజామ్‌ తన కళ్లను తానే నమ్మలేకపోయాడు.

మ్యాచ్‌ స్వరూపాన్నే పూర్తిగా మార్చేశాడు

ఆ తర్వాతి ఓవర్లో ఫకార్ జమాన్ కూడా ఔట్‌ చేసి మ్యాచ్‌ స్వరూపాన్నే పూర్తిగా మార్చేశాడు. అనంతరం ఆల్ రౌండర్ హార్దిక్ పాండ్యా వరుస బంతుల్లో సీనియర్‌ బ్యాట్స్‌మెన్‌ హఫీజ్‌ (9), షోయబ్‌ మాలిక్‌ (0)లను ఔట్‌ చేయడంతో పాక్ టాపార్డర్ కూప్పకూలింది. అనంతరం కెప్టెన్‌ సర్ఫ్‌రాజ్‌ (12) పోరాటం ఎంతోసేపు సాగలేదు.

వర్షంతో మ్యాచ్‌ గంట పైగా అంతరాయం

ఈ దశలో వర్షంతో మ్యాచ్‌ గంట పైగా అంతరాయం కలిగించడంతో పాకిస్థాన్ ఇన్నింగ్స్‌ను 40 ఓవర్లకు కుదించారు. దీంతో డక్ వర్త్ లూయీస్ పద్ధతి ప్రకారం పాకిస్థాన్‌కు 40 ఓవర్లలో 302 పరుగుల లక్ష్యాన్ని నిర్దేశించారు. అయితే, పాకిస్థాన్ నిర్ణీత 40 ఓవర్లలో 6 వికెట్ల నష్టానికి 212 పరుగులు మాత్రమే చేసింది.