హైదరాబాద్: కెప్టెన్గా మ్యాచ్లో తన జట్టుని గెలిపించుకోవడం ఒక ఎత్తైతే, గెలిచిన తర్వాత మీడియా సమావేశంలో విలేకరులు అడిగే ప్రశ్నలకు బదులివ్వడం మరో ఎత్తు. ఐసీసీ ఛాంపియన్స్ ట్రోఫీ పైనల్లో పాక్ చేతిలో భారత్ చిత్తుగా ఓడిన సంగతి తెలిసిందే. ఈ మ్యాచ్ ముగిసిన తర్వాత విరాట్ కోహ్లీ మీడియా సమావేశానికి హాజరయ్యాడు.
ఈ సమావేశం ఒకింత భావోద్వేగంగా, ఒకింత సరదాగా సాగిందని చెప్పాలి. ఈ మీడియాలో సమావేశంలో ఓ జర్నలిస్ట్ అడిగిన వింత ప్రశ్నకు కోహ్లీ సైతం బిత్తరపోయాడు. పాకిస్థాన్ చేతిలో ఘోర ఓటమి అనంతరం విలేకరులు అడిగిన ప్రశ్నలకు విరాట్ కోహ్లీ వరుసగా సమాధానాలిస్తున్నాడు.
Pakistan lift the #CT17 Trophy! pic.twitter.com/X4pCzvPypV
— ICC (@ICC) June 18, 2017
ఈ సందర్భంలో బుమ్రా వేసిన 'నో బాల్' గురించి ఓ జర్నలిస్టు అడిగాడు. మూడు పరుగుల వద్ద ఉన్నప్పుడే పాకిస్థాన్ ఓపెనర్ ఫకార్ జమాన్ బుమ్రా బౌలింగ్లో కీపర్ ధోనీకి క్యాచ్ ఇచ్చి అవుటయ్యాడు. అయితే బుమ్రా వేసిన ఆ బంతిని అంఫైర్ నో బాల్గా ప్రకటించడంతో జమాన్కు లైఫ్ లభించింది.
🎥🇮🇳 The @BCCI scorecard didn't make for pretty reading, except for @hardikpandya7's blistering lone hand 76 off 43 deliveries #PAKvIND #CT17 pic.twitter.com/iI2u0LNWOM
— ICC (@ICC) June 18, 2017
ఈ లైఫ్ని సద్వినియోగం చేసుకున్న ఫకార్ జమాన్ చెలరేగాడు. సెంచరీ సాధించడంతో పాటు భారత్పై పాక్ 180 పరుగుల విజయంలో కీలక పాత్ర పోషించాడు. దీని గురించి కోహ్లీ-జర్నలిస్ట్ల మధ్య జరిగిన సంభాషణ ఈ విధంగా ఉంది.
జర్నలిస్ట్: కెప్టెన్.. మీరు టాస్ గెలిచారు. అంతేకాకుండా నోబాల్కు వికెట్ సాధించారు. ఇదీ మీకు బాగా అనిపించిందా?
కోహ్లీ: ఏమిటి? అది బాగా అనిపించడం ఏమిటి?
జర్నలిస్ట్: అవును. ఆనందించే విషయమే కదా? టాస్ గెలువడం, నోబాల్కు వికెట్ సాధించడం? ఇది మీకు మంచిగా అనిపించలేదా?
కోహ్లీ: మంచిగా అనిపించడమా? ఎవరికి?
జర్నలిస్ట్: మీకే..
కోహ్లీ: నోబాల్ మంచిగా అనిపించడం ఏమిటి?
జర్నలిస్ట్: ఎందుకంటే నోబాల్కు వికెట్ వచ్చింది కదా!
కోహ్లీ: మీరు మాట్లాడుతున్నదాంట్లో ఏమన్న అర్థం ఉందా? ఏం జరుగుతోంది.. అంటూ కోహ్లీ బదులిచ్చాడు.
🎥🇵🇰 A maiden ODI hundred by Fakhar Zaman (114) off just 106 balls helped @TheRealPCB to a match-winning 338 #PAKvIND #CT17 pic.twitter.com/N7zDvseZGH
— ICC (@ICC) June 18, 2017