పాక్ అభ్యంత‌రం, ఐసీసీకి ఫిర్యాదు: రాంచీ వన్డేలో ఆర్మీ క్యాప్‌ల‌తో టీమిండియా

హైదరాబాద్: రాంచీ వేదికగా ఆస్ట్రేలియాతో జ‌రిగిన మూడ‌ో వ‌న్డేలో భారత జట్టులోని ఆటగాళ్లు ఆర్మీ క్యాప్‌ల‌ను ధ‌రించిన సంగతి తెలిసిందే. ఇటీవ‌ల పుల్వామాలో జ‌రిగిన ఉగ్ర‌దాడిలో 44 మంది సీఆర్‌పీఎఫ్ జ‌వాన్లు మృతి చెందిన సంగతి తెలిసిందే. అమరజవాన్ల మృతికి నివాళిగా టీమిండియా మూడో వ్డేలో ఆర్మీ క్యాప్‌ల‌ను ధ‌రించి ఆడారు.

ఆ సమస్యపై దృష్టి సారిస్తాం: రాంచీ వన్డే ఓటమిపై విరాట్ కోహ్లీ

బీసీసీఐ లోగోతో ప్రత్యేకంగా రూపొందించిన ఈ క్యాప్‌లను భారత ఆర్మీలో లెఫ్టినెంట్ కల్నల్ (గౌరవ) హోదాలో ఉన్న ధోనీ మ్యాచ్‌కు ముందు ఆటగాళ్లకి అందజేశాడు. ఇందుకు సంబంధించిన వీడియోని బీసీసీఐ తన ట్విట్టర్‌లో అభిమానులతో పంచుకుంది.

#TeamIndia will be sporting camouflage caps today as mark of tribute to the loss of lives in Pulwama terror attack and the armed forces

And to encourage countrymen to donate to the National Defence Fund for taking care of the education of the dependents of the martyrs #JaiHind pic.twitter.com/fvFxHG20vi

— BCCI (@BCCI) March 8, 2019

దీనిపై దాయాది దేశమైన పాకిస్థాన్ అభ్యంత‌రం వ్య‌క్తం చేసింది. ఆర్మీ క్యాప్‌లు ధ‌రించి క్రికెట్ ఆడ‌డం స‌రికాదు అని అన్నాడు. క్రికెట్‌ను రాజ‌కీయం చేస్తున్న బీసీసీఐపై అంత‌ర్జాతీయ క్రికెట్ కౌన్సిల్ చ‌ర్య‌లు తీసుకోవాల‌ని పాక్ స‌మాచార‌శాఖ మంత్రి ఫావ‌ద్ చౌద‌రీ తెలిపారు. కోహ్లీ సేన ఆర్మీ క్యాప్‌లు ధ‌రించిన అంశాన్ని ఐసీసీకి ఫిర్యాదు చేయాల‌ని మంత్రి ఫావ‌ద్ పాక్ క్రికెట్ బోర్డును కోరాడు.

“It’s just not Cricket”, I hope ICC ll take action for politicising Gentleman’s game ... if Indian Cricket team ll not be stopped, Pak Cricket team should wear black bands to remind The World about Indian atrocities in Kashmir... I urge #PCB to lodge formal protest pic.twitter.com/GoCHM9aQqm

— Ch Fawad Hussain (@fawadchaudhry) March 8, 2019

మరోవైపు ఈ మ్యాచ్ ద్వారా వచ్చే మొత్తాన్ని నేష‌న‌ల్ డిఫెన్స్ ఫండ్‌కు విరాళంగా ఇవ్వనున్నట్లు టీమిండియా కెప్టెన్ విరాట్ కోహ్లీ టాస్ అనంతరం వెల్లడించాడు. ఈ నిధులను పుల్వామా ఉగ్రదాడిలో అమరులైన జ‌వాన్ల పిల్ల‌ల చ‌ద‌ువు కోసం వినియోగించనున్నారు.

To pay homage to the martyrs of Pulwama Terror Attack, the players will donate today's match fee to the National Defence Fund #JaiHind pic.twitter.com/vM9U16M8DQ

— BCCI (@BCCI) March 8, 2019