పిచ్‌పై ముందే హెచ్చరించా: క్యూరేటర్ సంచలన వ్యాఖ్యలు

బీసీసీఐని ముందుగానే హెచ్చరించా

'ఇక్కడ ఒక విషయాన్ని చెప్పాలనుకుంటున్నా. పిచ్ తయారీకి సంబంధించి నాకు నిర్దేశించిన కొన్ని ఆదేశాలు ఆధారంగా బీసీసీఐని ముందుగానే హెచ్చరించా. ఎటువంటి పచ్చదనం లేకుండా పూర్తిగా పొడి పిచ్‌ను రూపొందించడం మంచికాదనే చెప్పా. అసలు నీటితో పిచ్ ను తడపకుండా గడ్డిని తీసేయమన్నారు' అని అన్నాడు.

పిచ్ పూర్తిగా పొడిగా మారిపోయి స్పిన్‌కు అనుకూలించింది

'అయితే ఇది ప్రమాదమని ముందుగానే బీసీసీఐ పిచ్ కమిటీ పెద్దలకు తెలిపా. వారు నా మాట వినలేదు. దాంతో పిచ్ పూర్తిగా పొడిగా మారిపోయి స్పిన్‌కు అనుకూలించింది. ఆ బీసీసీఐ పెద్దల పేర్లను ఇక్కడ చెప్పాలనుకోవడం లేదు. వారి ఆదేశాల్ని నేను పక్కకు పెట్టలేను కదా. సాధ్యమైనంత వరకూ పిచ్‌ను బాగా రూపొందించాలనే యత్నించా' అని తెలిపాడు.

పిచ్ క‌మిటీ ఏం చెబితే అదే చేయాలి

'అంత‌ర్జాతీయ మ్యాచ్‌లు జ‌రిగే స‌మ‌యంలో తాము కేవ‌లం స‌హాయ‌కులుగా మాత్రమే ప‌నికొస్తామ‌ని, పిచ్ క‌మిటీ ఏం చెబితే అదే చేయాల్సి ఉంటుంది' అని పాండురంగ్ సాల్గోన్‌ అన్నాడు. ఈ క్రమంలో పిచ్‌లో నాణ్యత లేకుండా పోయిందని చెప్పుకొచ్చాడు. తన జాబ్ బీసీసీఐ ఆదేశాల్ని పాటించడమేనని అన్నాడు.

పూర్తి స్పిన్ పిచ్ త‌యారుచేయాల‌ని ఆదేశాలు

పిచ్ క‌మిటీ స‌భ్యుల పేర్లు చెప్ప‌క‌పోయినా.. క‌మిటీ చీఫ్ ద‌ల్జీత్‌సింగ్‌, వెస్ట్‌జోన్ హెడ్ ధీర‌జ్ ప‌ర్సానా మ్యాచ్‌కు ముందు పిచ్‌ను ప‌రిశీలించిన‌ట్లు తెలిసింది. ఇదిలా ఉంటే పూణెలో పూర్తి స్పిన్ పిచ్ త‌యారుచేయాల‌ని టీమిండియా మేనేజ్‌మెంట్ నుంచే ఆదేశాలు వ‌చ్చాయ‌న్న పుకార్లు కూడా ఉన్నాయి.

పూణె ఫలితం అసంతృప్తి క‌లిగించింది

అయితే ఆ విష‌యం త‌న‌కు తెలియ‌ద‌ని పాండురంగ్ సాల్గోన్‌ చెప్పాడు. జట్టు నుంచి ఎవ‌రూ త‌న‌ను క‌ల‌వ‌లేద‌ని, సీనియ‌ర్ క్యూరేట‌ర్ల‌ను క‌లిసి చెప్పి ఉండొచ్చ‌ని తెలిపాడు. పూణెలో జ‌రిగిన తొలి టెస్టులోనే ఇలాంటి ఫ‌లితం రావ‌డం త‌న‌కు అసంతృప్తి క‌లిగించింద‌ని పాండురంగ్ సాల్గోన్‌ అన్నాడు. ఇదిలా ఉంటే మ్యాచ్‌కు ముందే ఈ పిచ్‌ను చూసిన షేన్ వార్న్‌, గ‌వాస్క‌ర్‌, సంజ‌య్ మంజ్రేక‌ర్ ఆశ్చ‌ర్య‌పోయారు.