సన్‌రైజర్స్‌ ఆటగాళ్ల భార్యలకు సింపుల్ క్వశ్చన్స్: ఏం సమాధానాలు చెప్పారంటే!

ట్విట్టర్‌లో వీడియోని పోస్టు చేసిన హైదరాబాద్

ఈ మ్యాచ్‌కి ముందు సన్‌రైజర్స్‌ హైదరాబాద్‌ ఆటగాళ్ల భార్యలను ఆ జట్టు యాజమాన్యం ఇవే ప్రశ్నలను అడిగింది. ఇందుకు సంబంధించిన వీడియోని సన్‌రైజర్స్‌ హైదరాబాద్‌ యాజమాన్యం ట్విట్టర్‌లో అభిమానులతో పంచుకుంది. ఇందులో భాగంగా క్రికెటర్ల భార్యల కోసం సన్‌రైజర్స్ యాజమాన్యం ఓ గేమ్‌ షో నిర్వహించింది.

గల్లీ, గూగ్లీ, ఫ్రీహిట్‌, నకుల్‌ బాల్‌ అంటే ఏమిటి

ఈ గేమ్ షోలో శిఖర్‌ ధావన్‌, టామ్‌ మూడీ, ముత్తయ్య మురళీధరన్‌, భువనేశ్వర్‌ కుమార్‌ తదితరుల భార్యలు ఇందులో పాల్గొన్నారు. ఈ సందర్భంగా సన్‌రైజర్స్ యాజమాన్యం నిర్వాహకులు వారిని కొన్ని ప్రశ్నలు అడిగారు. ఇందులో గల్లీ, గూగ్లీ, ఫ్రీహిట్‌, నకుల్‌ బాల్‌, సూపర్ ‌ఓవర్‌, డాట్‌ బాల్‌ అంటే ఏమిటని అడిగారు.

ఐపీఎల్‌లో ఎన్ని జట్లు ఆడుతున్నాయి

దీంతో పాటు చివర్లో ఈ ఐపీఎల్ సీజన్‌లో ఎన్ని జట్లు ఆడుతున్నాయని చెప్పాలని అడిగారు. ఇందులో కొన్ని ప్రశ్నలకు వారు సమాధానాలు చెప్పగా, మరికొన్నింటిని మాత్రం చెప్పలేకపోయారు. ఈ గేమ్ షోలో పేసర్ భువనేశ్వర్‌ కుమార్‌ భార్య నుపూర్‌ నగర్‌ చాలా యాక్టివ్‌గా పాల్గొంది. ఎక్కువ ప్రశ్నలకు ఆమే సమాధానాలు చెప్పడం విశేషం.

క్వాలిఫయర్-2 మ్యాచ్‌లో హైదరాబాద్ Vs కోల్‌కతా

టోర్నీలో భాగంగా శుక్రవారం క్వాలిఫయర్-2 మ్యాచ్‌లో ఈడెన్ గార్డెన్స్ వేదికగా సన్‌రైజర్స్ హైదరాబాద్ జట్టు కోల్‌కతా నైట్‌రైడర్స్‌తో తలపడనుంది. ఈ మ్యాచ్‌లో ఎవరు గెలిస్తే వారు ఆదివారం ముంబైలోని వాంఖడె స్టేడియంలో జరిగే ఫైనల్లో చెన్నై సూపర్‌కింగ్స్‌తో తలపడనుంది.