షోయబ్ పాస్ పోర్టుపై విచారణ వాయిదా

హైదరాబాద్: తన పాస్ పోర్టు ఇప్పించాలని పాకిస్తాన్ క్రికెటర్ షోయబ్ మాలిక్ దాఖలు చేసుకున్న పిటిషన్ పై రాష్ట్ర హైకోర్టు శుక్రవారం విచారణ జరిపింది. కేసును విచారణకు స్వీకరించింది. కేసు తదుపరి విచారణను సోమవారానికి వాయిదా వేసింది. టెన్నిస్ క్రీడాకారిణి సానియా మీర్జాతో తనకు పెళ్లి అయిన నేపథ్యంలో వివాహ ధ్రువీకరణ పత్రం కోసం వక్స్ బోర్డుకు పాస్ పోర్టు సమర్పించాల్సి ఉందని, అలాగే పాకిస్తాన్ లోని సియోలో కోటలో రిసెప్షెన్ ఉందని, ఈ స్థితిలో తనకు పాస్ పోర్టు అవసరమని చెబుతూ దాన్ని ఇప్పించాల్సిందిగా ఆయన హైకోర్టును కోరారు.

హైదరాబాద్ అమ్మాయి అయేషా సిద్ధిఖి ఫిర్యాదు నేపథ్యంలో పోలీసులు షోయబ్ మాలిక్ పాస్ పోర్టును స్వాధీనం చేసుకున్నారు. ఆ తర్వాత షోయబ్ మాలిక్, అయేషా విడాకులు తీసుకున్నారు. అయినప్పటికీ షోయబ్ కు తిరిగి పాస్ పోర్టు అందలేదు. ఈ నేపథ్యంలో ఆయన హైకోర్టును ఆశ్రయించాడు.