స్విమ్మింగ్ పూల్‌లో హార్దిక్ పాండ్యా రొమాన్స్.. ఫోటోలు షేర్ చేస్తూ రచ్చ!

టీమిండియా స్టార్ ఆల్‌రౌండర్ హార్దిక్ పాండ్యా ప్రస్తుతం తన వ్యక్తిగత, వృత్తిపరమైన జీవితంలో అద్భుతమైన ఫామ్‌లో ఉన్నాడు. తన ప్రియురాలు మహీకా శర్మ పుట్టినరోజు సందర్భంగా ఆయన పంచుకున్న రొమాంటిక్ ఫోటోలు ఇప్పుడు నెట్టింట సంచలనంగా మారాయి. హార్దిక్ పాండ్యా తన ప్రియురాలు మహీకా శర్మ 25వ పుట్టినరోజు సందర్భంగా ఆమెకు అదిరిపోయే సర్‌ప్రైజ్ ఇచ్చాడు. అర్ధరాత్రి వేళ తన ఇన్‌స్టాగ్రామ్ స్టోరీలో ఒక రొమాంటిక్ ఫోటోను షేర్ చేస్తూ శుభాకాంక్షలు తెలిపాడు. ఈ ఫోటోలో వీరిద్దరూ స్విమ్మింగ్ పూల్‌లో జంటగా కనిపించగా.. హార్దిక్ మహీకాను ప్రేమగా కౌగిలించుకుని ఉన్నారు. దీనికి "హ్యాపీ బర్త్ డే, నా యువరాణి (Happy Birthday, My Princess)" అంటూ క్యాప్షన్ ఇచ్చాడు. నిమిషాల వ్యవధిలోనే ఈ ఫోటో సోషల్ మీడియాలో వైరల్‌గా మారి నెటిజన్ల మధ్య హాట్ టాపిక్‌గా నిలిచింది.

ఎవరీ మహికా శర్మ? ఆమె నేపథ్యం ఏంటి?
హార్దిక్ పాండ్యా కొత్త ప్రియురాలు మహీకా శర్మ మల్టీ టాలెంటెడ్ వ్యక్తి. ఆమె ఢిల్లీలో జన్మించగా.. విద్యాపరంగా ఎకనామిక్స్ అండ్ ఫైనాన్స్‌లో డిగ్రీ పూర్తి చేశారు. వృత్తిరీత్యా ఆమె ఒక మోడల్, నటి, ఫిట్‌నెస్ కంటెంట్ క్రియేటర్ కూడా. హార్దిక్ తన మాజీ భార్య నటాషా స్టాంకోవిచ్‌తో 2024లో అధికారికంగా విడాకులు తీసుకున్న తర్వాత, గతేడాది కాలంగా మహీకాతో డేటింగ్‌లో ఉన్నట్లు తెలుస్తోంది. గతేడాది అక్టోబర్‌లో వీరిద్దరూ ఎయిర్‌పోర్టులో జంటగా కనిపించడంతో వీరి రిలేషన్‌షిప్‌పై తొలిసారిగా అధికారిక ముద్ర పడింది.

హార్దిక్ కెరీర్‌కు మహీకా సపోర్ట్
వ్యక్తిగత జీవితంలోనే కాకుండా హార్దిక్ పాండ్యా క్రికెట్ కెరీర్‌లోనూ మహీకా కీలక పాత్ర పోషిస్తోంది. ప్రస్తుతం జరుగుతున్న టీ20 వరల్డ్ కప్ 2026లో హార్దిక్ ఆడుతున్న ప్రతి మ్యాచ్‌కు ఆమె హాజరై స్టాండ్స్ నుండి ఉత్సాహపరుస్తోంది. అంతేకాదు భారత్-పాకిస్తాన్ వంటి హై-వోల్టేజ్ మ్యాచ్‌ల కోసం ఆమె జట్టుతో కలిసి శ్రీలంక వంటి ప్రాంతాలకు ప్రయాణించడం విశేషం. కష్టకాలంలో తనకు మానసిక స్థిరత్వాన్ని, ఆటపై ఏకాగ్రతను పెంచడంలో మహీకా ఎంతో సాయపడిందని హార్దిక్ గత ఇంటర్వ్యూలలో బాహాటంగానే వెల్లడించాడు.

వరల్డ్ కప్‌లో హార్దిక్ హవా
ఓ వైపు వ్యక్తిగత జీవితం రొమాంటిక్‌గా సాగుతుండగా.. మరోవైపు మైదానంలో కూడా హార్దిక్ పాండ్యా అదరగొడుతున్నాడు. 2026 టీ20 వరల్డ్ కప్‌లో హార్దిక్ ప్రధాన మ్యాచ్ విన్నర్‌గా నిలిచాడు. ఇప్పటి వరకు జరిగిన నాలుగు మ్యాచ్‌ల్లో 87 పరుగులు (ఒక హాఫ్ సెంచరీ సహా) సాధించడమే కాకుండా, ఐదు వికెట్లు కూడా పడగొట్టాడు. నమీబియాపై అద్భుత ప్రదర్శనతో 'ప్లేయర్ ఆఫ్ ది మ్యాచ్' అవార్డును కూడా అందుకున్నారు. హార్దిక్ తన ప్రొఫెషనల్ ఒత్తిడిని, వ్యక్తిగత ఆనందాన్ని బ్యాలెన్స్ చేస్తున్న తీరును చూసి అభిమానులు ప్రశంసలు కురిపిస్తున్నారు.