హర్బజనే బాధ్యుడు: సైమండ్స్

సిడ్నీ: నిషేధం ఎదుర్కోవడానికి భారత స్పిన్నర్ హర్బజన్ సింగే బాధ్యుడని ఆస్ట్రేలియా ఆల్ రౌండర్ ఆండ్ర్యూ సైమండ్స్ అన్నారు. హర్బజన్ సింగ్ తో తాను వాదులాటకు దిగిన మాట వాస్తవమేనని, అయితే నిషేధం ఎదుర్కోవడానికి హర్బజన్ తప్పిదమే కారణమని ఆయన ది డైలీ టెలిగ్రాఫ్ కు ఇచ్చిన ఇంటర్వ్యూలో అన్నారు. హర్బజన్ తన సహచర ఆటగాడు బ్రెట్ లీని గాయపరిచాడని, తన సహచరుడికి మద్దతుగా తాను హర్బజన్ తో వాదులాటకు దిగానని ఆయన చెప్పారు.

హర్బజన్ క్రీజులోకి వెళ్లిపోతూ బ్రెట్ లీని వెనక నుంచి కొట్టే ప్రయత్నం చేశాడని, అది చూసిన తాను అదేమిటని అడిగానని సైమండ్స్ వివరించారు. ఈ సంఘటనకు ముందు భారత, ఆస్ట్రేలియాల మధ్య సంబంధాలు చాలా బాగున్నాయని ఆయన చెప్పారు. ఈ సంఘటన తనను ఎంతో ఆశ్చర్యానికి గురి చేసిందని, ఇరు జట్ల మధ్య సంబంధాలు బాగున్నాయని, ఆటలో తిట్లు కూడా లేవని ఆయన వివరించారు.