గ్లోబల్‌ టీ20 కెనడా: మళ్లీ బ్యాట్‌తో మెరిసిన యువరాజ్‌ సింగ్‌

Global T20 Canada 2019 : Yuvraj Singh Shines With Bat Again For Toronto Nationals || Oneindia Telugu
 GT20 Canada: Yuvraj Singh shines with bat again for Toronto Nationals to help big score, Hawks won by 3 wickets

బ్రాంప్టన్‌: అంతర్జాతీయ క్రికెట్‌కు గుడ్‌ బై చెప్పిన టీమిండియా ఆల్‌రౌండర్‌ యువరాజ్‌ సింగ్‌ మళ్లీ బ్యాట్‌తో మెరిశాడు. గ్లోబల్‌ టీ20 కెనడా లీగ్‌లో యువరాజ్‌ మెరుపులు మెరిపించాడు. 26 బంతుల్లో 4 ఫోర్లు, 2 సిక్సర్లతో 45 పరుగులు చేసాడు. లీగ్‌లోని మొదటి మ్యాచ్‌లో నిరాశ పరిచిన యువీ.. అనంతరం రెండు మ్యాచ్‌లలో సత్తా చాటాడు.

ప్రొ కబడ్డీ లీగ్‌ సీజన్‌-7 ప్రత్యేక వార్తల కోసం

యువరాజ్‌ మెరుపులు:

యువరాజ్‌ మెరుపులు:

గ్లోబల్‌ టీ20 కెనడా లీగ్‌లో యువరాజ్‌ టోరంటో నేషనల్స్‌ జట్టుకు ఆడుతున్న విషయం తెలిసిందే. సోమవారం బ్రాంప్టన్‌ వేదికగా విన్నీపెగ్‌ హాక్స్‌తో జరిగిన మ్యాచ్‌లో యువీ ఆకట్టకున్నాడు. మొదటగా బ్యాటింగ్ చేపట్టిన టోరంటోకు ఆరంభం దక్కలేదు. ఓపెనర్ సూరి (5), క్లాసేన్ (15) నిరాశపరిచారు. ఈ సమయంలో క్రీజులోకి వచ్చిన యువీ.. మరో ఓపెనర్ రోడ్రిగో థామస్‌ (65)తో కలిసి విలువైన పరుగులు జోడించాడు. వచ్చిరావడంతోనే బౌండరీలతో విరుచుకుపడ్డాడు. అనంతరం కీరోన్‌ పొలార్డ్‌ (52) కూడా బ్యాట్ జులిపించడంతో టోరంటో నిర్ణీత 20 ఓవర్లలో 7 వికెట్ల నష్టానికి 216 పరుగులు చేసింది.

ఉత్కంఠ పోరులో విజయం:

ఉత్కంఠ పోరులో విజయం:

217 పరుగుల లక్ష్యంతో బ్యాటింగ్‌ ఆరంభించిన విన్నీపెగ్‌ టాప్ ఆర్డర్ రాణించడంతో చివరి బంతికి విజయం సాధించింది. ఓపెనర్లు క్రిస్‌ లిన్‌ (89), షమాన్‌ అన్వర్‌ (43).. సన్నీ సొహాల్‌ (58)లు పరుగులు చేసి ఔట్ అయ్యారు. అనంతరం డుమినీ (3), బ్రేవో (9), తారిఖ్ (3), ఎమ్రిట్ (1)లు స్వల్ప స్కోరుకే వెనుదిరిగారు. దీంతో మ్యాచ్ ఉత్కంఠకు తెరలేపింది. అయితే చివరలో షెహ్దేవ్ (1), గని (1) ఒక్కో పరుగు చేసి విజయాన్ని అందించారు.

సత్తా తగ్గలేదని నిరూపిస్తున్నారు:

గ్లోబల్‌ టీ20 కెనడా లీగ్‌లో యువరాజ్, ఆఫ్రిది, గేల్ రాణిస్తున్నారు. ఎడ్మాంటన్‌ రాయల్స్‌తో జరిగిన మ్యాచ్‌లో యువరాజ్‌ 21 బంతుల్లో 3 ఫోర్లు, 3 సిక్సర్లతో 35 పరుగులు చేసిన సంగతి తెలిసిందే. వాన్‌కూవర్‌ నైట్స్‌ తరపున ఆడుతున్న 'యూనివర్శల్‌ బాస్‌' క్రిస్‌ గేల్‌ విశ్వరూపం ప్రదర్శించాడు. 54 బంతుల్లో 12 సిక్సర్లు, 7 ఫోర్లతో అజేయంగా 122 పరుగులు చేసాడు. బ్రాంప్టన్ వోల్వ్స్ తరపున ఆడుతున్న ఆఫ్రిది కూడా 40 బంతుల్లో 81 పరుగులు చేసి అజేయంగా నిలిచాడు. భారీ ఇన్నింగ్స్‌లతో ఈ వెటరన్ ఆటగాళ్లు తమలో ఇంకా సత్తా తగ్గలేదని నిరూపిస్తున్నారు.

For Quick Alerts
ALLOW NOTIFICATIONS
For Daily Alerts
Story first published: Tuesday, July 30, 2019, 14:04 [IST]
Other articles published on Jul 30, 2019
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more