కొచ్చి జట్టుకు ఐపిఎళ్-4లో ఆడేందుకు బిసిసిఐ గ్రీన్ సిగ్నల్

ముంబయి: ఎట్టకేలకు ఐపీఎల్‌-4లో ఆడేందుకు కొచ్చి టీంకు బీసీసీఐ అనుమతినిచ్చింది. దీనితో వచ్చే ఐపీఎల్ సీజన్‌లో కోచి ఎనిమిదవ జట్టుగా బరిలోకి దిగుతుంది. కొచ్చి టీమ్ కొనుగోలు వ్యవహారంలో పెద్దల ప్రమేయం ఉందన్న ఆరోపణల నేపథ్యంలో, పాలక మండలి నిర్ణయంపై సర్వత్రా ఆసక్తి నెలకొన్నది.కొన్ని రోజులుగా కొచ్చి జట్టు యాజమాన్యంలో ఉన్న సమస్యలు ఉండటంతో వాటిని పరిష్కరించుకోవాల్సిందిగా ఇటీవల బీసీసీఐ డెడ్‌లైను పెట్టిన విషయం తెలిసిందే.

అయితే ఆదివారం జరిగిన సమావేశంలో కొచ్చి టీం బీసీసీఐ ఇచ్చిన నోటీసుకు స్పందించింది. బిసిసిఐకి సంతృప్తికరమైన సమాధానం ఇచ్చింది. దీంతో కొచ్చికి ఆడటానికి గ్రీన్ సిగ్నల్ వచ్చింది. ఈ విషయాన్ని ఐపీఎల్‌ గవర్నింగ్‌ కౌన్సిల్‌ ప్రకటించినట్లు బీసీసీఐ సెక్రటరీ ఎన్‌. శ్రీనివాసన్‌ తెలిపారు. దీంతో 2011 నుంచి కొచ్చి ఐపీఎల్‌లో ఆడేందుకు అనుమతించినట్లు శ్రీనివాసన్‌ వెల్లడించారు.