భారత్ vs పాక్ మ్యాచ్: క్రిస్ గేల్ బ్లేజ‌ర్‌లో తేడా గ‌మ‌నించారా?

మాంఛెస్ట‌ర్ సిటీ: క్రిస్ గేల్‌. యూనివ‌ర్స‌ల్ బాస్‌. క్రికెట్ అంటే కొద్దో, గొప్పో ప‌రిచ‌యం ఉన్న వారెవ‌రికైనా గేల్ గురించి తెలిసే ఉంటుంది. క‌రేబియ‌న్ దీవుల‌కు చెందిన గేల్‌కు భార‌త్ అంటే ఎంతో గౌర‌వం. భార‌తీయుల‌న్నా, భార‌త క్రికెట్ అభిమానుల‌న్నా అత‌నికి ఇష్టం. అందుకే- భార‌త్‌, పాకిస్తాన్ జ‌ట్ల మ‌ధ్య జ‌రిగే మ్యాచ్‌ను ప్ర‌త్య‌క్షంగా తిల‌కించ‌డానికి రెడీ అయిపోయాడు. ఓ ఆట‌గాడిగా రెండు జ‌ట్ల‌కూ స‌మంగా ప్రాధాన్య‌త ఇచ్చాడు. దీన్ని తాను ధ‌రించిన బ్లేజ‌ర్ ద్వారా వ్య‌క్తీక‌రించాడు.

కుడివైపు త్రివ‌ర్ణ ప‌తాకం..
అవుట్ అండ్ అవుట్ వైట్‌లో క‌నిపించేలా సూట్‌ను ధ‌రించాడు గేల్‌. దానిపై ఓ బ్లేజ‌ర్ వేసుకున్నాడు. కుడివైపు మ‌న‌దేశ త్రివ‌ర్ణ ప‌తాకాన్ని ప్ర‌తిబింబించేలా బ్లేజ‌ర్‌పై రంగుల‌ను ముద్రించుకున్నాడు. ఎడ‌మ‌వైపున పాకిస్తాన్ జాతీయ ప‌తాకానికి గుర్తుగా ఆకుప‌చ్చ‌ని రంగును నింపేశాడు. ఈ బ్లేజ‌ర్‌ను ధ‌రించిన క్రిస్ గేల్‌.. చిరున‌వ్వుతో ఫోజిస్తూ తీయించుకున్న ఓ ఫొటోను క్రికెట్ వ‌ర‌ల్డ్ క‌ప్.. త‌న అధికారిక ట్విట్ట‌ర్‌లో పోస్ట్ చేసింది. ది యూనివ‌ర్స్ బాస్ ఈజ్ రెడీ ఫ‌ర్ ఇండియా వ‌ర్సెస్ పాకిస్తాన్ మ్యాచ్ అనే కామెంట్‌ను జోడించింది. దీనిపై తెగ కామెంట్లు చేస్తున్నారు అభిమానులు. లైకులు కొడుతున్నారు.

{headtohead_cricket_3_5}