కొచ్చి ఐపియల్ సక్సెస్ వెనక సునీల్ గవాస్కర్ హస్తం

కొచ్చి: కొచ్చి పీపీఎల్‌ టీమ్‌కు మొదటినుంచి భారత క్రికెట్‌టీం మాజీ కెప్టెన్‌ సునీల్‌ గవాస్కర్‌ అండదండలు ఉన్నట్లు వచ్చిన వార్తలు నిజమేనని రూఢీ అయింది. ఏపీఎల్‌ బిడ్‌ వేసేందుకు ముందు ఇన్వెస్టర్లతో మాట్లాడి పలువురు వాటాదారులను కలిపి ఒకే కంపెనీగా ఏర్పాటుచేసి బిడ్‌ వేయించింది గవాస్కరేనని టీమ్‌లో ఓ వాటాదారుడైన గైక్వాడ్‌ కుటుంబం తెలిపింది. తమ టీమ్‌కు శిక్షణ ఇస్తే ఆయనకు కూడా వాటా ఇచ్చేందుకు కొచ్చి ఫ్రాంచైజీ సంసిద్ధదత వ్యక్తం చేసింది. ఈ టీమ్‌కు ఇబ్బందులు తొలగి ఆడేందుకు అనుమతి లభిస్తే తాను శిక్షణ ఇచ్చేందుకు సిద్ధమేనని గవాస్కర్‌ వారికి హామీ ఇచ్చినట్లు ఆయనే స్వయంగా తెలిపారు.

రెండెజోవోస్ స్పోర్ట్స్ వరల్డ్ ప్రైవేట్ లిమిటెడ్ ఫలితం సాధించడం వెనక ఎవరున్నారనేది ఇంతకాలం రహస్యంగానే ఉంటూ వచ్చింది. అందుకు గాను గవాస్కర్ కుటుంబానికి 25 శాతం ఉచితంగా, 1 శాతం చెల్లింపుల కింద వాటా ఇచ్చినట్లు ఓ ప్రముఖ దినపత్రిక తెలిపింది. గవాస్కర్ కూడా ఆ విషయాన్ని ధ్రువీకరించినట్లు ఆ పత్రిక రాసింది. కొచ్చి ఐపియల్ వాటాదారు అయిన ఆ సంస్థకు గవాస్కర్ పూర్తి సహాయ సహకారాలు అందించినట్లు వెలుగులోకి వచ్చింది. ఇదిలాఉండగా బుధవారం నాగపూర్‌లో జరగనున్న ఐపీఎల్‌ గవర్నింగ్‌ కౌన్సిల్‌ సమావేశంలో కొచ్చి టీం భవితవ్యం నిర్ణయం కానుంది.