ఇలాగైతే ఆడను: గంగూలీ బెదిరింపు

కోల్ కత్తా: తన కుటుంబానికి బెంగాల్ క్రికెట్ అసోసియేషన్ సభ్యులు కొంత మంది ఇబ్బందులకు గురి చేయడం మానకపోతే బెంగాల్ తరఫున తాను ఆడబోనని భారత క్రికెట్ జట్టు మాజీ కెప్టెన్ సౌరవ్ గంగూలీ హెచ్చరించారు. కొంతమంది అసోసియేషన్ సభ్యులు తమ కుటుంబ సభ్యులను ఇబ్బంది పెడుతున్నారని, వారు దాన్ని ఆపకపోతే బెంగాల్ తరఫున తాను ఆడబోనని ఆయన గురువారం మీడియా ప్రతినిధుల సమావేశంలో చెప్పారు.

తనకు జగ్ మోహన్ దాల్మియాతో ఏ విధమైన ఇబ్బంది లేదని, కొంత మంది సభ్యుల వల్ల తన కుటుంబ సభ్యులు ఇబ్బంది పడుతున్న విషయం గురించే తాను ఆలోచిస్తున్నానని ఆయన చెప్పారు. శ్రీలంక టెస్టు సిరీసుకు దూరంగా ఉండాలనేది ధోనీ వ్యక్తిగత నిర్ణయమని, దాన్ని గౌరవించాలని ఆయన అన్నారు. తాను ఇప్పడై రిటైర్ కావడం లేదని, ఆడగలిగినంత కాలం ఆడుతానని ఆయన చెప్పారు.