Click it and Unblock the Notifications
ఫిట్నెస్ కోసం.. ఎన్నో త్యాగం చేసి, కబాబులు తింటున్నా: ధోనీ
హైదరాబాద్: ఫిట్నెస్ కోసం తనకిష్టమైన చికెన్, మిల్క్షేక్స్, చాక్లెట్స్కు దూరమయ్యానని టీమిండియా మాజీ కెప్టెన్ మహేంద్ర సింగ్ ధోని తెలిపారు. 36 ఏళ్ల సీనియర్ క్రికెటర్ అయిన ధోనీ ఫిట్నెస్ విషయంలో 20 ఏళ్ల యువ ఆటగాళ్లతో సైతం పోటీపడతాడు. ప్రాక్టీస్ సందర్భంగా సరదాగా టీమిండియా యువ ఆల్రౌండర్ హార్ధిక్ పాండ్యాతో పరుగు పందెంలో కూడా ధోనినే నెగ్గాడు. ఈ విషయం చాలా సందర్భాల్లో రుజువైంది.
గతంలో ఇక వికెట్ల మధ్య ధోనితో పరుగెత్తాలన్నా సహచర ఆటగాళ్లుకు సవాలే. ఇటీవల ఐపీఎల్ సందర్భంగా తన సహచర ఆటగాడు డ్వేన్ బ్రావోతో త్రీ రన్స్ ఛాలెంజ్లో ధోనినే నెగ్గిన విషయం తెలిసిందే.
ఫిట్గా ఉంటేనే ఆడగలమని నమ్మే ధోని.. ఫిట్నెస్ కోసం ఎన్నో త్యాగం చేశానని తెలిపాడు. ఓ అవార్డు కార్యక్రమంలో పాల్గొన్న ధోని తన ఫిట్నెస్ రహస్యాన్ని పంచకున్నాడు.
తనకెంతో ఇష్టమైన ఎన్నో ఆహార పదార్థాలకు
ఫిట్నెస్ కోసం ధోనీ తనకెంతో ఇష్టమైన ఎన్నో ఆహార పదార్థాలకు దూరంగా ఉంటున్నట్లు తెలిపాడు. ధోనీకి చాక్లెట్లు, మిల్క్షేక్స్, సాఫ్ట్ డ్రింక్స్ తీసుకోవడం అంటే చాలా ఇష్టం. కానీ, ఫిట్గా ఉండేందుకు వాటన్నింటినీ దూరం పెట్టినట్లు ధోనీ చెప్పాడు. తాజాగా ఓ కార్యక్రమంలో పాల్గొన్న ధోనీ ఫిట్నెస్ గురించి మాట్లాడాడు.
మెరుగైన ఫలితాలు సాధించాలనుకుంటే
‘తప్పనిసరిగా మారాలి. మెరుగైన ఫలితాలు సాధించాలనుకున్నప్పుడు కొన్ని మార్పులు అవసరం. 2004లో అంతర్జాతీయ క్రికెట్లోకి అడుగుపెట్టినప్పుడు ఆహారపు అలవాట్లలో కొన్ని మార్పులు చేసుకున్నాను. బట్టర్ చికెన్, నాన్, మిల్క్ షేక్స్, చాక్లెట్లు, సాఫ్ట్ డ్రింక్స్ తీసుకునేవాడిని. ఎప్పుడైతే నేను 28వ సంవత్సరంలోకి అడుగుపెట్టానో అప్పటి నుంచి చాక్లెట్లు, మిల్క్షేక్స్ తీసుకోవడం మానేశాను'
కొన్ని సంవత్సరాలకు సాఫ్ట్ డ్రింక్స్కు దూరమయ్యా.
'ఆ తర్వాత కొన్ని సంవత్సరాలకు సాఫ్ట్ డ్రింక్స్కు దూరమయ్యా. ఎప్పుడైతే టెస్టు క్రికెట్కు వీడ్కోలు ప్రకటించానో అప్పటి నుంచి ఆరోగ్యంపై ప్రత్యేక శ్రద్ధ పెట్టాను. ఆరోగ్యాన్నిచ్చే పదార్థాలతో పాటు కబాబ్స్ తీసుకుంటున్నాను' అని ధోనీ తెలిపాడు.
రోయింగ్ మిషన్ కూడా
‘వీటితో పాటు రోయింగ్ మిషన్ కూడా నా ఫిట్నెస్ పెంచడంలో కీలకపాత్ర పోషిస్తోంది. ఐపీఎల్లో ఆడే సమయంలో నా గదిలో ఒక రోయింగ్ మిషన్ ఏర్పాటు చేసుకున్నాను. నిద్ర లేచిన అనంతరం బ్రేక్ఫాస్ట్ పంపించాల్సిందిగా సిబ్బందికి సూచించేవాడిని. వారు తీసుకువచ్చేలోగా నేను రోయింగ్మిషన్పై కసరత్తులు చేస్తూ ఉండేవాడిని' అని ధోనీ ఫిట్నెస్ మంత్రం గురించి వివరించాడు.
Story first published: Wednesday, June 13, 2018, 15:06 [IST]
Other articles published on Jun 13, 2018
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+