T20 World Cup 2022: పాక్ కెప్టెన్ సరిగా లేడు.. బాబర్ అజాంపై అక్తర్ కామెంట్స్..

బాబర్

బాబర్ బ్యాటింగ్ ఆర్డర్‌తో సహా పాకిస్థాన్ పలు విషయాలపై దృష్టి పెట్టాలని అక్తర్ సూచించాడు. "బాబర్ వన్ డౌన్ బ్యాటింగ్ చేయాలి. షాహీన్ షా అఫ్రిది ఫిట్‌నెస్‌లో ప్రధాన లోపం. కెప్టెన్సీలో కూడా లోపం ఉంది" అని చెప్పాడు.పాకిస్థాన్ తన తదుపరి సూపర్ 12 మ్యాచ్‌లో ఆదివారం నెదర్లాండ్స్‌తో తలపడనుంది. టీ20 ప్రపంచకప్‌లో గురువారం జరిగిన మ్యాచ్‌లో పాకిస్థాన్ ఒక పరుగు తేడాతో జింబాబ్వే చేతిలో ఓడిపోయింది.

సీన్ విలియమ్స్

ఈ మ్యాచ్ లో మొదట బ్యాటింగ్ చేసిన జింబాబ్వే 20 ఓవర్లలో 8 వికెట్లు కోల్పోయి 130 పరుగులుచేసింది. ఓపెనర్లు కాస్త ఫర్వాలేదనిపించినా.. ఆ తర్వాత వచ్చిన వారు త్వరగా పెవిలియన్ చేరారు. ఓపెనర్ మాధేవేరే 17 పరుగులు చేయగా.. మరో ఓపెనర్ క్రెయిగ్ ఎర్విన్ 19 పరుగులు చేశాడు. సీన్ విలియమ్స్ 28 బంతుల్లో 31 పరుగులు చేసి టాప్ స్కోరర్ గా నిలిచాడు. చివర్లో బ్రాడ్ ఎవాన్స్ 19 పరుగులు చేయడంతో జింబాబ్వే ఆ మాత్రం స్కోర్ చేయగలిగింది.

షాన్ మసూద్

131 పరుగుల విజయలక్ష్యంతో బరిలోకి దిగిన పాక్ 20 ఓవర్లలో 8 వికెట్లు కోల్పోయి 129 పరుగులు చేసింది.పాక్ కెప్టెన్ బాబర్ అజాం 4 పరుగులకే ఔటయ్యాడు. మరో ఓపెనర్ మహ్మద్ రిజ్వాన్ 14 పరుగులకు పెవిలియన్ చేరాడు. షాన్ మసూద్ 38 బంతుల్లో 3 ఫోర్లతో 44 పరుగులు చేసి టాప్ స్కోరర్ గా నిలిచాడు. మహ్మద్ నవాజ్ 18 బంతుల్లో ఒక సిక్స్, ఒక ఫోర్ తో 22 పరుగులు చేశాడు.