నమ్మకం లేదు దొరా..
కానీ అతను తన మీద ఉన్న నమ్మకాన్ని నిలబెట్టుకోలేక పోతున్నాడు. ఏదో ఒక మ్యాచ్లో విఫలం అవడం కామన్. దాన్ని ఎవరూ తప్పుబట్టడం లేదు. ఒక్కోసారి మనం ఎంత అద్భుతంగా బౌలింగ్ చేస్తున్నా.. ఎదుటి బ్యాటర్ సత్తా ఉంటే మనల్ని టార్గెట్ చేసి భారీ షాట్లు ఆడేస్తారు.
కానీ అలాంటి సమయంలో కూడా సదరు బౌలర్ పొరపాట్లు చేయకుండా ఉంటే ఎవరూ ఏమీ అనరు. అర్షదీప్ మాత్రం అలాక్కాదు. అయితే ఒక మ్యాచ్లో సూపర్గా బౌలింగ్ చేస్తాడు. లేదంటే భారీగా పరుగులు సమర్పించుకుంటాడు. దానికి తోడు కీలకమైన సమయాల్లో నోబాల్స్ వేసి మరీ ప్రత్యర్థికి లబ్ది చేకూరుస్తున్నాడు.
చివరి ఓవర్లో భారీగా పరుగులు..
న్యూజిల్యాండ్తో జరిగిన తొలి టీ20లో కూడా అర్షదీప్ అదే చేశాడు. 19 ఓవర్లకు కివీస్ 149 పరుగులతో ఉన్నప్పుడు చివరి ఓవర్ వేయడానికి అతను వచ్చాడు. ఇలాగైతే ఆ జట్టును 160 పరుగలకు కట్టడి చేయొచ్చని అంతా అనుకున్నారు.
కానీ తొలి బంతికే నోబాల్ వేసి మరీ సిక్సర్ ఇచ్చిన అర్షదీప్.. ఆ ఓవర్లో ఏకంగా 27 పరుగులు సమర్పించుకున్నాడు. దీంతో కివీస్ జట్టు 176 పరుగులు చేసి భారత్ ముందు కఠినమైన టార్గెట్ ఉంచింది. బ్యాటర్లు విఫలం అవడంతో ఈ లక్ష్యాన్ని భారత్ ఛేదించలేకపోయింది.
|
పేలుతున్న మీమ్స్..
దీన్నే ఎత్తి చూపుతున్న అభిమానులు అర్షదీప్ సింగ్ను నెట్టింట ఏకిపారేస్తున్నారు. 'అసలు నువ్వు ఏం చేస్తున్నావురా నాయనా?' అని ఆశ్చర్యం వ్యక్తం చేస్తున్నారు. 'కేవలం 4 ఓవర్లలో 51 పరుగులు ఇవ్వడం అంటే మాటలు కాదు. ప్రత్యర్థిని గెలిపించడానికి శాయశక్తులా ప్రయత్నిస్తున్నాడు' అంటూ ఎద్దేవా చేస్తున్నారు. సూపర్ హిట్ మూవీ కేజీయఫ్2లోని డైలాగ్తో కూడా అర్షదీప్పై మీమ్స్ చేస్తున్నారు. 'నోబాల్.. నోబాల్.. ఐ ఎవాయిడ్ నోబాల్. బట్ నోబాల్ లవ్స్ మీ. ఐ కాన్ట్ ఎవాయిడ్' అంటూ జోకులు పేలుస్తున్నారు.