మొహ్సిన్ నఖ్వీ కూతురితో సల్మాన్ అలీ ఆఘా పెళ్లి?

సోషల్ మీడియాలో వార్తలు ఎంత వేగంగా వ్యాపిస్తాయో చెప్పడానికి ఇదొక ఉదాహరణగా నిలుస్తోంది. పాకిస్థాన్ సూపర్ లీగ్(పీఎస్ఎల్) మ్యాచ్ సందర్భంగా పీసీబీ ఛైర్మన్ మొహ్సిన్ నఖ్వీ, పాకిస్థాన్ టీ20 కెప్టెన్ సల్మాన్ అలీ ఆఘా పక్కపక్కనే కూర్చుని మాట్లాడుకుంటున్న ఓ ఫోటో ఇంటర్నెట్‌లో తెగ వైరల్ అవుతోంది. ఈ ఫోటోను చూసి నెటిజన్లు రకరకాల ఊహాగానాలు మొదలుపెట్టారు.

విరాట్ కోహ్లీ పని అయిపోయింది: మాజీ క్రికెటర్ పోస్ట్ వైరల్

వైరల్ అవుతున్న ప్రచారం ఏమిటి?
ఆ ఫోటోలో మొహ్సిన్ నఖ్వీ, సల్మాన్ అలీ ఆఘా నవ్వుతూ ఎంతో ఆత్మీయంగా చర్చించుకోవడం కనిపించింది. దీనిని ఆధారంగా చేసుకుని కొన్ని సోషల్ మీడియా ఖాతాలు.. "సల్మాన్ అలీ ఆఘా త్వరలోనే మొహ్సిన్ నఖ్వీకి అల్లుడు కాబోతున్నాడు. నఖ్వీ తన కూతురిని సల్మాన్ అలీ ఆఘాకు ఇచ్చి వివాహం చేయాలని నిశ్చయించుకున్నారు" అంటూ ప్రచారం మొదలుపెట్టాయి. ఎటువంటి అధికారిక ధ్రువీకరణ లేకుండానే ఈ వార్త పాక్ క్రికెట్ అభిమానుల్లో హాట్ టాపిక్ అయ్యింది.

అసలు నిజం ఏంటంటే?
ఈ వార్తలపై ఆరా తీయగా.. ఇది పూర్తిగా నిరాధారమైన, ఫేక్ న్యూస్ అని తేలింది. పీసీబీ ఛైర్మన్ కుటుంబం నుంచి గానీ.. అటు క్రికెటర్ సల్మాన్ అలీ ఆఘా నుంచి గానీ ఇటువంటి సంబంధం గురించి ఎక్కడా ప్రస్తావన రాలేదు. మొహ్సిన్ నఖ్వీ పాకిస్థాన్ క్రికెట్ బోర్డు ఛైర్మన్ హోదాలో ఉన్నారు, సల్మాన్ ఆఘా జట్టు కెప్టెన్‌గా ఉన్నాడు. ఒక మ్యాచ్ జరుగుతున్నప్పుడు బోర్డు బాస్, కెప్టెన్ కలిసి కూర్చుని జట్టు ప్రదర్శన గురించి చర్చించడం అనేది సాధారణ విషయం. 2026 టీ20 వరల్డ్ కప్‌లో పాకిస్థాన్ జట్టు వైఫల్యం తర్వాత, భవిష్యత్తు ప్రణాళికల గురించి చర్చించేందుకు వీరిద్దరూ సమావేశమయ్యారు తప్ప, ఇందులో ఎటువంటి వ్యక్తిగత సంబంధం లేదని తెలుస్తోంది.

3 ఏళ్లకే అమ్మ దూరం.. నానమ్మే పెంచి క్రికెటర్‌ని చేసింది!

మీమ్స్, నెటిజన్ల రియాక్షన్
ఇది కేవలం పుకారు మాత్రమే అయినప్పటికీ.. సోషల్ మీడియాలో దీనిపై మీమ్స్ వెల్లువెత్తాయి. "సల్మాన్ అలీ ఆఘా తన కెరీర్‌ను సేఫ్ చేసుకునేందుకు ప్లాన్ చేస్తున్నాడు" అని కొందరు సెటైర్లు వేస్తుంటే.. మరికొందరు దీనిని కేవలం జోక్‌గా కొట్టిపారేస్తున్నారు. ఏది ఏమైనా వీరిద్దరూ బంధువులు కాబోతున్నారనే వార్తలో ఏమాత్రం నిజం లేదు.