Click it and Unblock the Notifications
కొత్త తరహా ఫిట్నెస్ టెస్టు: అందరి కళ్లు 36 ఏళ్ల ధోనిపైనే!
హైదరాబాద్: ఐపీఎల్ 2018 సీజన్ ముగియడంతో ఇప్పుడు అందరి కళ్లు అంతర్జాతీయ క్రికెట్ వైపుకి మళ్లాయి. యూరప్ పర్యటనకు బయల్దేరడానికి ముందు టీమిండియా స్వదేశంలో ఆప్ఘనిస్థాన్ జట్టుతో చారిత్రాత్మక టెస్టు మ్యాచ్ ఆడనుంది. జూన్ 14 నుంచి ప్రారంభమయ్యే ఈ టెస్టుకి బెంగళూరులోని చిన్నస్వామి స్టేడియం ఆతిథ్యమిస్తోంది.
అయితే, టీమిండియా తరుఫున ఆడాలంటే ప్రతి ఒక్క క్రికెటర్ తప్పకుండా ఫిట్నెస్ టెస్టు పాసవ్వాలి. లేదంలే అతడికి చోటు దక్కడం కష్టమే. గతేడాది యువీ, రైనా యో-యో టెస్టు విఫలమవ్వడంతో భారత జట్టుకు దూరమైన సంగతి తెలిసిందే. తాజాగా క్రికెటర్లకు మరో ఫిట్నెస్ పరీక్ష నిర్వహించాలని బీసీసీఐ భావిస్తోంది.
ఆప్ఘన్తో ఏకైక టెస్టు మ్యాచ్
ఆప్ఘన్తో జరగబోయే ఏకైక టెస్టు మ్యాచ్తో పాటు ఆ తర్వాత ఐర్లాండ్, ఇంగ్లాండ్ వేదికగా జరిగే మ్యాచ్ల కోసం సెలక్టర్లు ఇప్పటికే భారత జట్టుని ప్రకటించిన సంగతి తెలిసిందే. వీరితో పాటు ఇంగ్లాండ్ లయన్స్, వెస్టిండిస్-ఏ జట్లతో ఆడే ఇండియా-ఏ జట్లను కూడా సెలక్టర్లు ప్రకటించారు.
ఎన్సీఏలో ఫిట్నెస్ టెస్టుకు హాజరుకానున్న క్రికెటర్లు
ఈ పర్యటనలకు ఎంపికైన ఆటగాళ్లందరూ బెంగళూరులోని జాతీయ క్రికెటర్ అకాడమీలో జూన్ 5 నుంచి 10లోపు నిర్వహించే ఫిట్నెస్ పరీక్షకు హాజరుకానున్నారు. అయితే, ఈ ఆటగాళ్ల అందరికీ గతంలో నిర్వహించే యో-యో ఫిట్నెట్ టెస్టు కాకుండా కొత్తగా మరో ఫిట్నెస్ టెస్టుని నిర్వహించనున్నారు.
అసలేంటీ ఈ 'DEXA scan'
ఈ కొత్త ఫిట్నెస్ పరీక్ష పేరు 'DEXA scan'. 10 నిమిషాల పాటు ఉండే ఈ స్కాన్ ద్వారా ఆటగాడి ఎముకల సామర్థ్యం, ఎనర్జీ లెవల్స్, కొవ్వు నిల్వలను పసిగట్టొచ్చు. వచ్చిన రిపోర్టు ఆధారంగా ఆయా క్రికెటర్ చేయాల్సిన కసరత్తులపై ఫిజియోలు, వైద్యులు దృష్టిపెడతారు.
యో-యో టెస్టుతో పాటు ఇది టెస్టు కూడా
ఇకపై భారత జట్టులో చోటు దక్కించుకోవాలంటే యో-యో టెస్టుతో పాటు ప్రతి ఆటగాడికి ఈ టెస్టు నిర్వహిస్తారు. అంతర్జాతీయ స్థాయి ప్రమాణాలకు అనుగుణంగా ఆటగాళ్ల ఫిట్నెస్ లెవల్స్ను పెంచేందుకే ఈ కొత్త టెస్టును తీసుకువస్తున్నట్లు బీసీసీఐ సిబ్బంది తెలిపారు.
అందరి కళ్లు 36 ఏళ్ల ధోనిపైనే
కొత్త ఫిట్నెస్ టెస్టు నేపథ్యంలో అందరి కళ్లు 36 ఏళ్ల మహేంద్ర సింగ్ ధోనిపై నెలకొన్నాయి. యో-యో టెస్టు పాసైన ధోని ఈ టెస్టులో ఎలా నెట్టుకొస్తాడా అని అభిమానులు ఆసక్తిగా ఎదురుచూస్తున్నారు. ఇటీవలే ధోని సారథ్యంలోని చెన్నై సూపర్ కింగ్స్ జట్టు మూడోసారి ఐపీఎల్ ట్రోఫీని ముద్దాడిన సంగతి తెలిసిందే.
Story first published: Thursday, May 31, 2018, 19:21 [IST]
Other articles published on May 31, 2018
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+