ఆ 4పరుగులు బ్రాడ్‌మన్ చేసుంటే బాగుండేది

డకౌట్ అవడంతో 99.94 దగ్గర ఆగిపోవాల్సి

చివరి ఇన్నింగ్స్‌లో కనీసం 4 పరుగులు చేసి ఉంటే.. ఆయన బ్యాటింగ్ యావరేజ్ 100గా ఉండేది. కానీ లాస్ట్ మ్యాచ్‌లో డకౌట్ కావడంతో 99.94 దగ్గర ఆగిపోవాల్సి వచ్చింది. బ్రాడ్‌మన్ 100 యావరేజ్ సాధించకుండా టెస్టులకు వీడ్కోలు పలకడానికి తనే కారణమని ఆసీస్ మాజీ క్రికెటర్ నీల్ హార్వే బాధపడుతున్నాడు. ఏడు దశాబ్దాలుగా ఇదే బాధ ఆయన్ను కలచి వేస్తోందని పేర్కొన్నాడు.

హార్వే ఫోర్ కొట్టడంతో ఆసీస్ గెలిచి

చివరి మ్యాచ్ కంటే ముందు జరిగిన హెడింగ్లీ టెస్టులో బ్రాడ్‌మన్ 173 పరుగులతో నాటౌట్‌గా నిలిచాడు. ఆ సమయంలో హార్వే ఫోర్ కొట్టడంతో ఆసీస్ ఏడు వికెట్ల తేడాతో మ్యాచ్ గెలిచింది. సిరీస్‌లో 3-0 ఆధిక్యం సంపాదించింది. తను ఆ విన్నింగ్ షాట్ కొట్టకపోయి ఉంటే.. బ్రాడ్‌మన్ 100 సగటును అందుకునే వాడని హార్వే నమ్ముతున్నాడు.

నాలుగు పరుగులను బ్రాడ్‌మన్ చేసుంటే..

లీడ్స్‌లో విన్నింగ్ బౌండరీ కొట్టినందుకు చాలా గిల్టీగా ఫీలవుతున్నా. బ్రాడ్‌మన్ టెస్టుల్లో 100 సగటు సాధించకపోవడం పూర్తిగా నా తప్పిదమే. ఆ నాలుగు పరుగులను అతడే చేసి ఉంటే.. బాగుండేదని హార్వే తెలిపాడు. అక్టోబర్ 8న (సోమవారం) ఆయన 90వ ఏట అడుగుపెడుతున్నాడు. 79 టెస్టులు ఆడిన ఆయన 21 సెంచరీలు చేశాడు.

బ్రాడ్‌మన్ డకౌట్ అవుతాడని హార్వే

అప్పట్లో ఎవరికీ గణాంకాల గురించి తెలీదు. బ్రాడ్‌మన్ నాలుగు పరుగులు చేస్తే వంద సగటుతో పరుగులు చేసిన బ్యాట్స్‌‌మెన్ అవుతాడనే విషయం ఆ రోజుల్లో తెలీదు. అంతే కాదు.. చివరి ఇన్నింగ్స్‌లో బ్రాడ్‌మన్ డకౌట్ అవుతాడని హార్వే అస్సలు ఊహించి ఉండడు.