Click it and Unblock the Notifications
28 పరుగులకే రెండు వికెట్లు
అనంతరం క్రీజులోకి వచ్చిన మార్నస్ లాబుస్చాగ్నే నిలకడగా ఆడుతూ స్కోరు బోర్డుని నడిపించాడు. మరో ఓపెనర్ మార్కస్ హారిస్తో కలిసి ఇంగ్లాండ్ బౌలర్లను సమర్ధవంతంగా ఎదుర్కొన్నాడు. ఈ క్రమంలో జట్టు స్కోరు 28 పరుగుల వద్ద మరో ఓపెనర్ మార్కస్ హారిస్(13) స్టువర్ట్ బ్రాడ్ బౌలింగ్లో ఎల్బీగా వెనుదిరిగాడు.
ఆదుకున్న స్టీవ్ స్మిత్
దీంతో 28 పరుగులకే 2 వికెట్లు కోల్పోయి కష్టాల్లో పడిన ఆస్ట్రేలియాను నాలుగో స్థానంలో క్రీజులోకి వచ్చిన స్టీవ్ స్మిత్ ఆదుకున్నాడు. నిలకడగా ఆడుతూ అనవసర షాట్లకు పోకుండా మార్నస్ లాబుస్చాగ్నేతో కలిసి లంచ్ విరామం వరకు మరో వికెట్ పడకుండా ఇన్నింగ్స్ను కొనసాగించాడు.
హాఫ్ సెంచరీకి చేరువైన లాబుస్చాగ్నే
ఈ క్రమంలో మార్నస్ లాబుస్చాగ్నే హాఫ్ సెంచరీకి చేరువయ్యాడు. కాగా, ఆస్ట్రేలియా కోల్పోయిన రెండు వికెట్లు స్టువర్ట్ బ్రాడ్కే దక్కాయి. ఐదు టెస్టుల యాషెస్ సిరిస్ ప్రస్తుతం 1-1తో సమంగా ఉంది. తొలి టెస్టులో ఆస్ట్రేలియా విజయం సాధించగా... లార్డ్స్ వేదికగా జరిగిన రెండో టెస్టు డ్రాగా ముగిసింది.
ఇరు జట్లకు ఎంతో కీలకం
ఇక, ఉత్కంఠభరితంగా సాగిన మూడో టెస్టులో ఇంగ్లాండ్ విజయం సాధించడంతో సిరీస్ను సమం అయింది. దీంతో ఇరు జట్లకు ఈ మ్యాచ్ ఎంతో కీలకంగా మారింది. ఈ మ్యాచ్లో ఆస్ట్రేలియా విజయం సాధిస్తే గత సిరీస్ విజేత అదే కాబట్టి ట్రోఫీ ఆసీస్ సొంతమవుతుంది. దీంతో చివరి టెస్టులో ఇంగ్లాండ్ నెగ్గినా ఎటువంటి ప్రయోజనం ఉండదు.
Continue with Google