Ravichandran Ashwin: రవిచంద్రన్ అశ్విన్ ఆస్తి ఎంతో తెలుసా..!

ఆఫ్ స్పిన్నర్ రవిచంద్రన్ అశ్విన్ ఇటీవల అంతర్జాతీయ క్రికెట్ కు గుడ్ బై చెప్పాడు. అతను భారత జట్టుకు ఎన్నో విజయాలను అందించాడు. 38 ఏళ్ల అతను 2011 వన్డే ప్రపంచ కప్‌ జట్టులో సభ్యుడిగా ఉన్నాడు. అప్పుడు వరల్డ్ కప్ అడిన వారిలో సచిన్ టెండూల్కర్, యువరాజ్ సింగ్, ఎంఎస్ ధోని, వీరేంద్ర సెహ్వాగ్, హర్భజన్ సింగ్ రిటైర్మెంట్ ప్రకటించారు. ఇక విరాట్ కోహ్లీ ఒక్కడే మిగిలి ఉన్నాడు. త్వరలో విరాట్ కోహ్లీ కూడా అంతర్జాతీయ క్రికెట్ గుడ్ బై చెప్పే అవకాశం ఉంది.
రవిచంద్రన్ అశ్విన్ 14 సంవత్సరాలకు పైగా దేశానికి సేవ చేశాడు.

అతను తమిళనాడుకు చెందిన క్రికెటర్ అనేక బ్రాండ్ డీల్స్, బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (BCCI) నుంచి సెంట్రల్ కాంట్రాక్ట్‌లలో భాగంగా ఉన్నాడు.
దీంతో పాటు ఆల్-రౌండర్ 2010 నుంచి ఐపీఎల్ ఆడుతున్నాడు. అతను చెన్నై సూపర్ కింగ్స్, రైజింగ్ పూణె సూపర్ జెయింట్స్, పంజాబ్ కింగ్స్, రాజస్థాన్ రాయల్స్, ఢిల్లీ క్యాపిటల్స్ కు ఆడాడు. ప్రస్తుతం చెన్నై సూపర్ కింగ్స్ తరఫున ఆడుతున్నాడు. ఇన్ని సంవత్సరాలు రవిచంద్రన్ అశ్విన్ ఎంత సంపాదించాడో తెలుసా..!

కొన్ని సంవత్సరాలుగా, రవిచంద్రన్ అశ్విన్ మింత్రా, ముంబై షేవింగ్ కంపెనీ, అరిస్టోక్రాట్ బ్యాగ్‌లు, డ్రీమ్11, ఒప్పో, స్పెక్స్‌మేకర్స్, జూమ్‌కార్, మన్నా ఫుడ్స్, కోకూ స్టూడియో తమిళ్ తో కలిసి పనిచేశారు. దీనితో పాటు, ఆఫ్-స్పిన్నర్ తన ప్రాంతీయ భాష (తమిళం)లో 1.6 మిలియన్ల కంటే ఎక్కువ మంది సభ్యులతో కూడి యూట్యూబ్ ఛానెల్‌ ఉంది. రవిచంద్రన్ అశ్విన్ ప్రస్తుతం తన భార్య, పిల్లలతో చెన్నైలో నివసిస్తున్నారు. పలు నివేదికల ప్రకారం రూ. 9 కోట్లు అని తెలుస్తోంది.

రవిచంద్రన్ అశ్విన్ వద్ద సుమారు 6 కోట్ల రూపాయల విలువైన రోల్స్ రాయిస్, సుమారు 93 లక్షల రూపాయల విలువైన ఆడి క్యూ7 ఉన్నాయి. రవిచంద్రన్ అశ్విన్ నికర విలువ రూ. 132 కోట్లు ఉన్నట్లు నివేదికలు పేర్కొంటున్నాయి. అతను బీసీసీఐతో తన వార్షిక సెంట్రల్ కాంట్రాక్ట్ నుంచి రూ. 5 కోట్లు సంపాదిస్తాడు. దీంతో పాటు అతను సంవత్సరాలుగా తన ఐపీఎల్ నుంచి రూ. 82 కోట్లు సంపాదిస్తున్నాడు.