సస్పెండ్‌కే మెగ్గు: పాండ్యా, రాహుల్‌పై బీసీసీఐ లీగల్ సెల్ ఏం చెప్పింది!

ఆటగాళ్ల ప్రవర్తన సరిగా లేదని తెలిసినపుడు

"ఆటగాళ్ల ప్రవర్తన సరిగా లేదని తెలిసినపుడు వాళ్లను తదుపరి చర్యలు తీసుకునే వరకు సస్పెండ్ చేయడం మంచిది. బీసీసీఐ సీఈఓ రాహుల్ జోహ్రిపై లైంగిక వేధింపుల ఆరోపణలు వచ్చినపుడు కూడా ఇలాగే చేశాం. ఈ అంశంపై బీసీసీఐ లీగల్ సెల్ అభిప్రాయం, తుది ప్రక్రియ మొదలైన నేపథ్యంలో ఈ విషయాన్ని ఆటగాళ్లు, జట్టుకు వెంటనే చేరవేయాలి" అని డయానా అన్నారు

వన్డేల పాటు నిషేధం విధించడం ఖాయమే

దీంతో పాండ్యా, కేఎల్ రాహుల్‌లపై రెండు వన్డేల పాటు నిషేధం విధించడం దాదాపుగా ఖాయమైనట్లే. మహిళల పట్ల పాండ్యా, రాహుల్ చేసిన అనుచిత వ్యాఖ్యలు బీసీసీఐ మోడల్ కోడ్ ఆఫ్ కండక్ట్ కిందికి రాదని, అయితే సస్పెన్షన్ నిర్ణయం సీఓఏ తీసుకోవచ్చని బీసీసీఐ లీగల్ సెల్ స్పష్టం చేసిన సంగతి తెలిసిందే.

లీగల్ సెల్ ఏం చెప్పిందంటే!

బీసీసీఐ రాజ్యాంగంలోని సంబంధిత నిబంధనలను పరిశీలించిన లీగల్ సెల్ ఈ ఇద్దరు ప్లేయర్స్‌ను సీఓఏ సస్పెండ్ చేయవచ్చు అని స్పష్టం చేసింది. సీఓఏకు ఈ విషయంలో ఉన్న అధికారాలను కూడా పేర్కొంది. అంతేకాదు ఈ వ్యవహారం బీసీసీఐ కోడ్ ఆఫ్ కండక్ట్ కిందికి కూడా రాదని లీగల్ సెల్ చెప్పింది.

టాక్ షోలో మహిళలపై అనుచిత వ్యాఖ్యలు

దీని ప్రకారం మైదానంలో జరిగిన తప్పిదాలతోపాటు మైదానం బయట కూడా మ్యాచ్ లేదా ఆటగాళ్లు, జట్టు, సపోర్ట్ స్టాఫ్‌కు సంబంధించి వివాదాస్పద వ్యాఖ్యలు చేయడం మాత్రమే ఈ కోడ్ ఆఫ్ కండక్ట్ కిందికి వస్తుంది. అయితే రాహుల్, పాండ్యా కేసు వేరని... వాళ్లు ఓ టాక్ షోకు వెళ్లి మహిళలపై అనుచిత వ్యాఖ్యలు చేశారని పేర్కొంది.