బాలీవుడ్ నటి బిపాసా బసును రక్షించిన మహేంద్ర సింగ్ ధోనీ

ముంబై: అభిమానుల అత్యుత్సాహానికి ఇబ్బందుల్లో పడిన బాలీవుడ్ నటి బిపాసా బసును భారత క్రికెట్ జట్టు కెప్టెన్ మహేంద్ర సింగ్ ధోనీ కాపాడాడు. సూరత్ లో ఫైవ్ స్టార్ హోటల్ గ్రాండ్ భగవతి ప్రారంభోత్సవ కార్యక్రమానికి వచ్చినప్పుడు అభిమానులు ఆమెను చుట్టుముట్టి దాడి చేసినంత పని చేశారు. ఆమె చుట్టూ చేరిన అభిమానులను నియంత్రించడం సాధ్యం కాలేదు. తొక్కిసలాట లాంటిది చోటు చేసుకుంది. ఈ సంఘటనలో బిపాసా బసు ఎడమ కంటికి దగ్గరగా చెంపపై గాయమైంది. ఆ సమయంలో అక్కడికి వచ్చిన ధోనీ ఆమెను కాపాడాడు.

ఈ కార్యక్రమానికి భారత క్రికెట్ జట్టు మాజీ కెప్టెన్ కపిల్ దేవ్ కూడా వచ్చారు. ఈ సంఘటనతో భయపడిన బిపాసా బసు హోటల్లోని ఎనిమిదో అంతస్థులోని గదిలోనే ఉండిపోయింది. నిర్వాహకులు ఎంతగా వేడుకున్నా ఆమె బయటకు రాలేదు. కార్యక్రమంలో పాల్గొనలేదు. కపిల్ దేవ్, ధోనీ కార్యక్రమంలో పాల్గొని మీడియాను ఉద్దేశించి మాట్లాడారు.