Click it and Unblock the Notifications
చపాక్ ప్రమోషన్లో దీపికా బిజీ:
దీపికా పదుకొణె తాజాగా నటించిన చిత్రం 'చపాక్'. ప్రస్తుతం దీపికా ఈ సినిమా ప్రమోషన్లో బిజీగా ఉన్నారు. చపాక్ సినిమా ప్రమోషన్లో భాగంగా ఇటీవల ఓ క్రికెట్ లైవ్ షోలో పాల్గొన్నారు. ఈ సందర్భంగా టీమిండియా మాజీ కెప్టెన్ 'ది వాల్' రాహుల్ ద్రావిడ్ తన ఫేవరెట్ క్రికెటర్ అని దీపికా తెలిపారు. తన భర్త రణ్వీర్ సింగ్తో కలిసి క్రికెట్ మ్యాచ్లు చూస్తానని అన్నారు.
ద్రావిడ్ నా ఫేవరెట్:
'రణ్వీర్ సింగ్ పెద్ద ఫుట్బాల్ ఫ్యాన్ అని అందరికి తెలిసిందే. అయితే క్రికెట్ను కూడా అంతే ఇష్టంగా చూస్తాడు. ఇద్దరం కలిసి కొన్ని మ్యాచ్లు చూస్తుంటాం. ఫుట్బాల్, క్రికెట్ రెండూ చూస్తాం. రాహుల్ ద్రావిడ్ సర్ నాకు ఇష్టమైన క్రికెటర్. బెంగళూరు చెందిన ఆయన ఎందరో మెచ్చుకొనే స్థాయికి ఎదిగారు' అని దీపిక పేర్కొన్నారు.
కపిల్ బయోపిక్:
యాసిడ్ దాడి బాధితురాలు లక్ష్మి అగర్వాల్ జీవితం ఆధారంగా తెరకెక్కిన చిత్రం చఫాక్. మేఘనా గుల్జార్ దర్శకత్వం వహించారు. వచ్చే ఏడాది జనవరి 10న ఈ సినిమా విడుదలకానుంది. ఇటీవల విడుదలైన ఈ సినిమా ట్రైలర్కు ప్రేక్షకుల నుంచి విశేష స్పందన వచ్చింది. భారత క్రికెటర్ దిగ్గజం కపిల్ దేవ్ బయోపిక్ తెరకెక్కతున్న విషయం తెలిసిందే. దీనికి '83'గా నామకరణం చేశారు. ఈ సినిమాలో రణవీర్ సింగ్ కపిల్ దేవ్ పాత్రలో కనిపించనుండగా.. ఆయన సతీమణి రోమీ భాటియా పాత్రలో దీపికా నటిస్తున్నారు.
Continue with Google