పాక్ అభిమానికి దిమ్మతిరిగే కౌంటరిచ్చిన సఫారీ పేసర్ స్టెయిన్

హైదరాబాద్: తనను కామెంట్ చేసిన ఓ పాకిస్థాన్‌ అభిమానికి దిమ్మతిరిగే కౌంటర్‌ ఇచ్చాడు దక్షిణాఫ్రికా బౌలింగ్‌ దిగ్గజం డేల్‌ స్టెయిన్‌‌ను. పాక్‌తో జరుగుతున్న టీ20 సిరీస్‌కు స్టెయిన్‌కు విశ్రాంతి ఇచ్చారు. ఈ నేపథ్యంలో స్టెయిన్‌ తన ట్విట్టర్‌లో 'ఇప్పటివరకూ జరిగింది చాలు. ఈ టెస్ట్‌ని హాయిగా నా సోఫాలో కూర్చొని ఆస్వాదిస్తా. నేనిప్పుడు కుర్చి విమర్శకుడిని అయ్యాను'' అంటూ ట్వీట్‌ చేశాడు.

దీనికి ఓ పాక్ అభిమాని అత్యుత్సాహంతో ''అవును, ఈ టెస్ట్‌ సిరీస్‌లో బాబార్ అజమ్ నీ బౌలింగ్‌లో చితక్కొట్టినప్పుడు.. నీకు కచ్చితంగా విరామం కావాల్సిందిలే'' అంటూ ఎటకారంగా సమాధానమిచ్చాడు. దీనికి స్టెయిన్ సైతం తనదైన శైలిలో ఆ అభిమానికి దిమ్మతిరిగే సమాధానం ఇచ్చాడు.

''అవును టెస్ట్ సిరీస్ 3-0 తేడాతో గెలవడమే నిజంగా చితక్కొట్టించుకోవడమే'' అంటూ చురకలంటించాడు. ఈ సమాధానంతో సదరు అభిమాని ''నేను నా దేశం పరువు తీసినందుకు క్షమించండి. కానీ నాకు ఆ దిగ్గజం నుంచి రిప్లే కోసం అలా ట్వీట్ చేసాను'' అని పేర్కొన్నాడు.

డేల్ స్టెయిన్ సమాధానం నెటిజన్లను విపరీతంగా ఆకట్టుకుంటోంది. బాబర్‌ ఆజమ్‌ క్రికెట్‌లోకి వచ్చిన బచ్చాగాడని, స్టెయిన్‌ దిగ్గజ బౌలరని ఓ నెటిజన్ ట్వీట్ చేయగా.. మరొక నెటిజన్ కామెంట్‌ చేసేముందు ఒళ్లు దగ్గర పెట్టుకోని చేయాలని హెచ్చరించాడు.