రివ్యూకి వెళ్లిన క్రిస్ గేల్
దీనిని నాటౌట్గా భావించిన క్రిస్ గేల్ వెంటనే రివ్యూకి వెళ్లాడు. రివ్యూలో బంతి స్టంప్ను తాకలేదని తేలడంతో థర్డ్ అంఫైర్ క్రిస్ గేల్ను నాటౌట్గా ప్రకటించాడు. ఆ తర్వాతి బంతికే మళ్లీ అంపైర్ అతడిని ఎల్బీగా ప్రకటించాడు. క్రిస్ గేల్ మరోసారి రివ్యూకి వెళ్లాడు. ఈసారి బంతి స్టంప్లకు మరింత దూరంగా వెళ్లిందని రివ్యూలో తేలడంతో రీప్లేలో తేలింది.
రివ్యూలో నాటౌట్గా
దీంతో గేల్ మళ్లీ నాటౌట్గా తేలాడు. మిచెల్ స్టార్క్ ఐదో ఓవర్లో మళ్లీ బౌలింగ్కు వచ్చాడు. మళ్లీ బంతి అతడి ప్యాడ్లకు తాకడం, అదే అంపైర్ వేలెత్తడం, గేల్ సమీక్ష కోరడం ఇలా చకచకా జరిగిపోయాయి. అయితే, ఈసారి క్రిస్ గేల్కు అదృష్టం కలిసి రాలేదు. రివ్యూలో లెగ్ స్టంప్ పక్కగా బంతిని తాకుతూ వెళ్లడంతో అంపైర్ ఔటిచ్చాడు.
నిరాశగా పెవిలియన్కు చేరిన క్రిస్ గేల్
రివ్యూ సమీక్షలో నిర్ణయం ‘అంపైర్ కాల్'గా రావడంతో గేల్ నిరాశగా పెవిలియన్కు చేరాడు. ఇదిలా ఉంటే, ఈ ముందు బంతికి స్టార్క్ నోబాల్ వేశాడు. కానీ అంపైర్ గుర్తించలేదు. అదే అంపైర్ ముందు బంతిని నోబాల్గా ప్రకటించి ఉంటే, క్రిస్ గేల్ ఫ్రీహిట్ ఆడేవాడు. అలాంటిది ఆ బంతికి క్రిస్ గేల్ పెవిలియన్కు చేరడం విశేషం.