‘రెస్టాఫ్‌ ది వరల్డ్‌’ జట్టుగా ఇంగ్లాండ్: చర్చకు తెరలేపిన సన్నీ వ్యాఖ్యలు

ఇయాన్‌ మోర్గాన్‌..

ప్రస్తుతం ఇంగ్లాండ్ జట్టు కెప్టెన్. ఐర్లాండ్‌లోని డుబ్లిన్‌లో జన్మించాడు. తొలుత ఐర్లాండ్‌ జట్టులో 23 వన్డేలు ఆడి 744 పరుగులు చేశాడు. ఐర్లాండ్‌ తరపున మోర్గాన్‌ బ్యాటింగ్‌ సగటు 35.42గా ఉంది. ఇంగ్లాండ్‌ లయన్స్‌కు దక్షిణాఫ్రికాకు మధ్య జరిగిన మ్యాచ్‌లో ఆడాడు. ఎడమ చేతివాటం బ్యాట్స్‌మన్ కావడంతో ఇంగ్లిష్‌ సెలక్టర్ల దృష్టిలో పడ్డాడు. 2009లో ఐర్లాండ్‌ టీ20 వరల్డ్‌ కప్‌ జట్టుకు ఎంపికయ్యాడు. ఆ తర్వాత నుంచి ఇంగ్లాండ్ జట్టు తరుపున ఆడుతున్నాడు. ఇంగ్లాండ్ తరుపున 200 వన్డేలు ఆడిన ఏకైక క్రికెటర్‌గా అరుదైన ఘనత సాధించాడు.

బెన్‌ స్టోక్స్‌

ఇంగ్లాండ్‌ ఆల్ రౌండర్‌గా రాణిస్తున్నాడు. 1991 జూన్‌4న న్యూజిలాండ్‌లోని కాంటర్బరీలో జన్మించాడు. బెన్‌ తండ్రి గెరాల్డ్‌ న్యూజిలాండ్‌ తరపున రగ్బీజట్టుకు ప్రాతినిధ్యం వహించాడు. బెన్‌ స్టోక్స్ చిన్నతనంలో ఆయన కుటుంబం ఇంగ్లాండ్‌కు వలస వచ్చింది. తన 19వ ఏట ఇంగ్లాండ్‌ జట్టులో చోటు దక్కించుకున్నాడు. ప్రస్తుతం ఇంగ్లాండ్ జట్టులో కీలక ఆటగాడిగా కొనసాగుతున్నాడు.

జాసన్‌ రాయ్‌

దక్షిణాఫ్రికాలోని డర్బన్‌లో జన్మించాడు. జాసన్ రాయ్ చిన్నప్పుడే వారి కుటుంబం ఇంగ్లాండ్‌కు వలస వచ్చింది. తొలుత ఇంగ్లాండ్‌ టీ20 జట్టులో చోటు దక్కించుకున్న జాసన్ రాయ్ ఆ తర్వాత వన్డే జట్టులో చోటు దక్కించుకున్నాడు. వన్డేల్లో ఇంగ్లాండ్‌ తరపున అత్యధిక పరుగులు(180) చేసిన ఆటగాడిగా కొనసాగుతున్నాడు.

జోఫ్రా ఆర్చర్‌

బార్బోడోస్‌లోని బ్రిడ్జ్‌టౌన్‌లో జన్మించాడు. వెస్టిండీస్‌ అండర్-19 జట్టుకు ప్రాతినిధ్యం వహించాడు. కౌంటీ క్రికెట్‌లో సుసెక్స్‌ జట్టుకు ప్రాతినిథ్యం వహించాడు. ఆ తర్వాత బీబీఎల్‌లో హోబార్ట్‌ హరికేన్స్‌ తరుపున మంచి ప్రదర్శన చేయడంతో ఒక్కసారిగా వెలుగులోకి వచ్చాడు. దీంతో ఇంగ్లాండ్‌ జట్టులో చోటు దక్కించుకున్నాడు.