అదిరే ఆరంభం:
ఈ జోడి ఇన్నింగ్స్ ఆరంభం నుంచి నిలకడగా ఆడుతూ.. సఫారీ బౌలర్లను ధాటిగా ఎదుర్కొన్నారు. ఈ క్రమంలో జమాన్ స్కూప్ షాట్ ఆడి పెవిలియన్ చేరాడు. తాహిర్ బౌలింగ్లో జమాన్ స్కూప్ షాట్ ఆడగా.. బంతి వికెట్ కీపర్ వెనకాలే గాల్లోకి లేచింది. ఫస్ట్స్లిప్లో ఫీల్డింగ్ చేస్తున్న హషీమ్ ఆమ్లా క్యాచ్ అందుకున్నాడు. దీంతో 81 పరుగుల బాగస్వామ్యంకు తెరపడింది.
తాహీర్ మాయ:
ఈ సమయంలో ఇమాముల్ హక్కు బాబర్ అజామ్ జత కలిశాడు. అయితే 21వ ఓవర్ రెండో బంతిని ఇమామ్ డ్రైవ్ చేయగా.. బంతి తాహిర్కు పక్కగా వెళ్తుండగా ఒంటి చేత్తో క్యాచ్ అందుకున్నాడు. దీంతో 98 పరగుల వద్ద పాక్ రెండో వికెట్ కోల్పోయింది. హక్-ఫకార్ జమాన్లు ఇద్దరు 44 పరుగుల వ్యక్తిగత పరుగులు సాధించిన తర్వాత పెవిలియన్ చేరడం గమనార్హం. వీరిద్దరూ ఇమ్రాన్ తాహీర్ బౌలింగ్లో ఔట్ కావడం మరో విశేషం.
హాఫ్ సెంచరీలు:
ఓపెనర్లిద్దరూ వెనుదిరగడంతో బాబర్ అజామ్, హఫీజ్ (20) ఇన్నింగ్స్ను చక్కదిద్దే ప్రయత్నం చేశారు. అయితే పార్ట్టైమ్ స్పిన్నర్ మార్క్రమ్.. హఫీజ్ను ఔట్ చేసాడు. దీంతో పాక్ మూడో వికెట్ చేజార్చుకుంది. బాబర్ (69; 80బంతుల్లో 7×4)కు సోహైల్ జతకలవడంతో పాక్ ఇన్నింగ్స్ గాడిలో పడింది. పేసర్ మోరిస్ వేసిన 36 ఓవర్ మొదటి బంతికి సింగిల్ తీసి బాబర్ హాఫ్ సెంచరీ అందుకున్నాడు. ప్రపంచకప్లో అజామ్కు ఇది రెండో హాఫ్ సెంచరీ. హాఫ్ సెంచరీ అనంతరం బాబర్ ఔట్ అయినా.. సోహైల్ (89; 59బంతుల్లో 9×4, 3×6) బ్యాట్ జులిపించాడు. చివరలో ఇమాద్ వసీం (23) పరుగులు చేయడంతో పాక్ 300 మార్క్ స్కోర్ దాటింది. సౌతాఫ్రికా బౌలర్లలో ఎంగిడి 3 వికెట్లు తీయగా, ఇమ్రాన్ తాహిర్ 2, పెహ్లుక్వాయో, మార్క్రంలు చెరొక వికెట్ తీశారు.