ఒక మ్యాచ్‌లో రెండు ప్రపంచ రికార్డులు: చరిత్ర సృష్టించిన ధోని

అత్యధిక అంతర్జాతీయ ఇన్నింగ్స్‌ ఆడిన వికెట్‌ కీపర్లు వీరే:

మహేంద్ర సింగ్ ధోని - 600*

మార్క్ బౌచర్ - 596

కుమార సంగక్కర - 499

ఆడమ్ గిల్ క్రిస్ట్ - 485

స్టంపింగ్స్‌తో ధోని మరో రికార్డు

దీంతో పాటు ఈ మ్యాచ్‌లో స్టంపింగ్స్‌తోనూ ధోని మరో రికార్డు సాధించాడు. దక్షిణాఫ్రికా బ్యాట్స్‌మన్‌ ఫెలుక్వాయోను చాహల్ బౌలింగ్‌లో స్టంపౌట్‌ చేయడం ద్వారా ధోని ఈ ఘనత సాధించాడు. ఈ స్టంపౌట్‌తో అత్యధికంగా 139 స్టంపౌట్లు చేసిన వికెట్ కీపర్‌గా పాకిస్థాన్ మాజీ క్రికెటర్ మొయిన్ ఖాన్ రికార్డుని ధోని సమం చేశాడు.

వికెట్‌ కీపర్ల జాబితాలో

ఇక, వరల్డ్‌కప్‌లో అత్యధికంగా బ్యాట్స్‌మెన్‌ను పెవిలియన్‌కు పంపిన వికెట్‌ కీపర్ల జాబితాలో ధోని మూడు స్థానంలో ఉన్నాడు. ఈ జాబితాలో 54 వికెట్లతో కుమార సంగర్కర మొదటి స్థానంలో ఉండగా 52 వికెట్లతో గిల్‌ క్రిస్ట్‌ రెండో స్థానంలో, 32 వికెట్లతో మెక్‌కల్లమ్ నాలుగోస్థానంలో, 31 వికెట్లతో బౌచర్‌ ఐదో స్థానంలో ఉన్నారు.

వరల్డ్‌కప్‌లో అత్యధిక డిస్మిసల్స్ చేసిన వికెట్ కీపర్లు:

54 - కుమార సంగక్కర

52 - ఆడమ్ గిల్ క్రిస్ట్

33 - ధోని*

32 - బ్రెండన్ మెక్‌కల్లమ్

31 - మార్క్ బౌచర్

34 పరుగులు చేసిన ధోని

కాగా, సఫారీలతో జరిగిన మ్యాచ్‌లో ధోని 34 పరుగులు చేశాడు. ఈ మ్యాచ్‌లో తొలుత బ్యాటింగ్ చేసిన దక్షిణాఫ్రికా నిర్ణీత 50 ఓవర్లలో 9 వికెట్లు కోల్పోయి 227 పరుగులు చేసింది. అనంతరం చేధనలో 144 బంతుల్లో 13 ఫోర్లు, 2 సిక్సుల సాయంతో 122 పరుగులు చేసి జట్టుకు విజయాన్ని కట్టబెట్టాడు.