భారత్-కివీస్ మ్యాచ్‌‌ వర్షార్పణమేనా?: మాంచెస్టర్‌‌లో తాజా అప్‌డేట్ ఇదే!

యుకే కాలమానం ప్రకారం

లండన్ కాల‌మానం ప్ర‌కారం ఉద‌యం 10:30 గంట‌ల‌కు ఆరంభం అవుతుంది. మ్యాచ్‌కు వేదిక‌గా మారిన మాంచెస్ట‌ర్‌లో మంగ‌ళ‌వారం సాయంత్రం వ‌ర‌కూ వ‌ర్షం కురిసింది. ప్ర‌స్తుతం అక్క‌డ అడ‌పాద‌డ‌పా తేలిక‌పాటి జ‌ల్లులు త‌ప్ప భారీ వ‌ర్షమేదీ న‌మోదు కాలేదు. అయితే, బుధవారం కూడా మాంచెస్టర్‌లో వర్షం కురిసే అవకాశమున్నట్లు అక్కడి వాతావరణశాఖ తెలిపింది.

ఆకాశం మేఘావృతమై ఉంటుంది

ఉద‌యం ఆకాశం మేఘావృతమై ఉంటుంద‌ని, మ‌ధ్యాహ్నం త‌రువాత ఓ మోస్త‌రు వ‌ర్షం ప‌డే అవ‌కాశ ఉంద‌ని మాంచెస్ట‌ర్ వాతావ‌ర‌ణ శాఖ అధికారులు తెలిపారు. దీని ప్రకారం స్థానిక కాలమానం ప్రకారం మధ్యాహ్నం 12 గంటల సమయంలో (భారత కాలమానం ప్రకారం సాయంత్రం 4:30గంటలు) వర్షం పడే సూచనలు కనిపిస్తున్నాయి.

గంట సేపటికి వర్షం ప్రభావం తగ్గినా

ఆ తర్వాత గంట సేపటికి వర్షం ప్రభావం తగ్గినా.. ఆకాశం మాత్రం మేఘావృతమై ఉండవచ్చని మాంచెస్ట‌ర్ వాతావ‌ర‌ణ శాఖ అధికారులు త‌మ అధికారిక ట్విట‌ర్‌లో వెల్ల‌డించారు. మళ్లీ సాయంత్రం 5గంటలకు(ఇక్కడ రాత్రి 9:30గంటలు) చినుకులు పలకరించే అవకాశమున్నట్లు తెలుస్తోంది. అంటే మ్యాచ్‌ ముగింపు దశకు వచ్చే సమయానికి మళ్లీ వర్షం పడుతుందంట.

వర్షం తగ్గితే ఓవ‌ర్ల‌ను కుదించ‌డానికే

ఇదే గనుక జరిగితే ఓవ‌ర్ల‌ను కుదించ‌డానికే అంపైర్లు మొగ్గు చూపుతారు. ఓవ‌ర్ల‌ను కుదించిన త‌రువాత టీమిండియా ల‌క్ష్యాన్ని ఛేదించ‌డానికి బ‌రిలో దిగాల్సి వ‌స్తే.. అంత చ‌లిలోనూ చెమ‌ట‌లు ప‌ట్ట‌డం ఖాయం. ఓవ‌ర్లు కుదించిన త‌రువాత మ్యాచ్‌ను కొన‌సాగించాల్సి వ‌స్తే.. టీమిండియా క‌ఠిన ప‌రిస్థితులను ఎదుర్కోవాల్సి ఉంటుంది.