జస్ప్రీత్ బుమ్రాతో ప్రేమాయణం.. క్లారిటీ ఇచ్చిన టాలీవుడ్ నటి అనుపమ

మంచి ఫ్రెండ్ మాత్రమే:

'జస్ప్రీత్ బుమ్రా తెలియదని చెప్పను. అతను నాకు మంచి ఫ్రెండ్ మాత్రమే. ఇంతకుమించి మా ఇద్దరి మధ్యలో ఎలాంటి సంబంధం లేదు. మేం డేటింగ్‌లో కూడా లేము. ఇప్పటితోనైనా నాపై వస్తున్న రూమర్లు ఆగుతాయని ఆశిస్తున్నా' అని అనుపమ పరమేశ్వరన్ ఘాటుగా స్పందించారు.

రాక్షసుడు సినిమాలో:

'ప్రేమమ్' సినిమా ద్వారా ఫిలిం ఇండస్ట్రీలోకి అడుగుపెట్టిన అనుపమ.. అనతి కాలంలోనే దక్షిణ సినిమా ఇండస్ట్రీలో టాప్‌ హీరోయిన్లలో ఒకరిగా కొనసాగుతోంది. తెలుగులో ప్రస్తుతం యువ హీరో బెల్లంకొండ శ్రీనివాస్‌తో కలిసి 'రాక్షసుడు' సినిమాలో నటిస్తోంది. తమిళ సినిమా 'రాట్సన్'కు ఇది రీమేక్‌.

ఇంగ్లాండ్ పర్యటనలో:

బుమ్రా ప్రస్తుతం ప్రపంచకప్‌ టోర్నీలో భాగంగా ఇంగ్లాండ్ పర్యటనలో ఉన్నాడు. దక్షిణాఫ్రికా, ఆస్ట్రేలియా, పాకిస్థాన్ వంటి పటిష్ట జట్లను తన మార్క్ బౌలింగ్‌తో కట్టడి చేసాడు. ఇన్నింగ్స్ ఆరంభంలో, డెత్ ఓవర్లలో బుమ్రా టీమిండియాకు వెన్నెముకగా ఉన్న విషయం తెలిసిందే. టీమిండియా తన తర్వాతి మ్యాచ్‌ను శనివారం అఫ్గానిస్థాన్‌తో ఆడనుంది. మ్యాచ్‌కు మధ్యలో ఐదు రోజుల విరామం ఉండడంతో బుమ్రా సరదాగా గడిపేందుకు సిద్ధమయ్యాడు.

గతంలో రాశి ఖన్నాతో:

బుమ్రాతో రాశి ఖన్నా డేటింగ్ చేస్తోందని గతంలో వార్తలు రాగా.. వాటిని వెంటనే ఖండించింది రాశి. దీంతో ఆ వార్తలకు ఫుల్‌స్టాప్ పడగానే ఇప్పుడు బుమ్రాతో అనుపమని లింక్ చేయడం జనాల్లో హాట్ టాపిక్‌గా మారింది. మరి అనుపమ క్లారిటీ ఇచ్చేసింది కాబట్టి.. మళ్ళీ ఎవరితో లింక్ చేస్తారో చూడాలి. ఇంతకు సోషల్ మీడియా హీరోయిన్లకు ప్లస్ అవుతోందా? లేక మైనస్ అవుతోందా? అర్థం కావడం లేదు.