క్రికెటర్ గగన్ దీప్ సింగ్ కాల్చివేత

మీరట్: గుర్తు తెలియని సాయుధులు శుక్రవారం రాత్రి మీరట్ లోని ఓ హోటల్లో భారత క్రికెటర్ గగన్ దీప్ సింగ్ ను కాల్చి చంపారు. సికె నాయుడు క్రికెట్ టోర్నమెంటులో పాల్గొనడానికి ఆయన ఇక్కడికి వచ్చారు. రాత్రి కొంత మంది మిత్రులతో కలిసి హోటల్ కు వెళ్లారు. ఆ సమయంలో కొంత మంది హోటల్ యజమానితో ఘర్షణకు దిగారు. ఆ ఘర్షణ అదుపు తప్పింది. హోటల్ ఆవరణలో ఆ దుండగులు కాల్పులు జరిపారు. ఈ కాల్పుల్లో గగన్ దీప్ సింగ్ మరణించారు.

పంజాబ్ కు చెందిన గగన్ దీప్ సింగ్ ఇటీవల అండర్ - 19 భారత జట్టులో చోటు దక్కించుకుని ఆస్ట్రేలియాలో పర్యటించారు. ఆయన 2008 ఐపియల్ పోటీల్లో కింర్స్ ఎలెవన్ పంజాబ్ తరపున ఆడారు.