ఒకవైపు 59, మ‌రోవైపు 82 మీటర్లు: భారత్ ఓటమికి బౌండరీ లైన్ కూడా ఓ కారణం

13 సిక్స‌ర్లు బాదిన ఇంగ్లాండ్ ఓపెనర్లు

ఇంగ్లాండ్ ఓపెన‌ర్లు జానీ బెయిర్‌స్టో, జేస‌న్ రాయ్‌లు ఇద్ద‌రే 13 సిక్స‌ర్లు బాదడం విశేషం. మైదానంలో ఓ వైపు షార్ట్ బౌండ‌రీ ఉండ‌డాన్ని కోహ్లీ తీవ్రంగా త‌ప్పుప‌ట్టాడు. "ఫ్లాట్ పిచ్‌పై ప‌రుగుల ప్ర‌వాహాం ఉండ‌డం స‌హ‌జ‌మే. కానీ బ‌ర్మింగ్‌హామ్ గ్రౌండ్ నిష్ప‌త్తి(లెన్త్‌) నన్ను అసంతృప్తికి గురి చేసింది" అని కోహ్లీ అన్నాడు.

ఒక‌వైపు బౌండ‌రీ లెన్త్ 59 మీట‌ర్లు

"ఒక‌వైపు బౌండ‌రీ లెన్త్ 59 మీట‌ర్లు, మ‌రో వైపు 82 మీట‌ర్లు ఉంటే ఎలా ఆడ‌గ‌ల‌ం. ఒక‌వేళ బ్యాట్స్‌మెన్ రివ‌ర్స్ స్వీప్ చేస్తే 59 మీట‌ర్ల వైపు ఉన్న బౌండ‌రీ మీదుగా సిక్స‌ర్ కొట్ట‌డం ఈజీ అవుతుంద‌ని, అలాంటి బ్యాట్స్‌మెన్‌కు స్పిన్న‌ర్లు బౌలింగ్ చేయ‌డం కూడా క‌ష్ట‌మే" అని కోహ్లీ పేర్కొన్నాడు.

82 మీట‌ర్ల దూరం ఉన్న బౌండ‌రీ

"82 మీట‌ర్ల దూరం ఉన్న బౌండ‌రీ వైపు బౌల‌ర్లు కొంత స్మార్ట్‌గా బౌలింగ్ చేయాల్సి ఉంటుంది. కానీ, చిన్న బౌండ‌రీ వైపు బ్యాట్స్‌మెన్‌ను క‌ట్ట‌డి చేయ‌లేం. చాహల్ బౌలింగ్‌లో బెన్ స్టోక్స్ రివ‌ర్స్ స్వీప్‌లో సిక్స్ కొట్టాడు. ఓ ద‌శ‌లో ఇంగ్లండ్ 360 ప‌రుగులు చేస్తుంద‌నుకున్నాను, కానీ బౌల‌ర్లు మెరుగ్గానే రాణించార‌ు" అని కోహ్లీ అన్నాడు.

మరింత దూకుడుగా బ్యాటింగ్ చేస్తే

"ఈ మ్యాచ్‌లో మరింత దూకుడుగా బ్యాటింగ్ చేస్తే ఫ‌లితం మ‌రోలా ఉండేది. ఈ మైదానంలో ఆడిన ప్రతి జట్టూ ఏదో ఒక సందర్భంలో ఓడింది. అయితే, ఓడిపోవాలని ఎవరూ కోరుకోరు. అయితే నిజాన్ని మేం అంగీకరించాల్సి ఉంటుంది. అప్పటికీ మేం మంచి క్రికెట్ ఆడామని భావిస్తున్నాను" అని కోహ్లీ అన్నాడు.

డ్రస్సింగ్ రూమ్‌లో ఎలాంటి మార్పు లేదు

"డ్రస్సింగ్ రూమ్ వాతావరణంలో ఎలాంటి మార్పు లేదు. ఈ ఓటమి నుంచి తప్పులు నేర్చుకుని తదుపరి మ్యాచ్‌లో తప్పక రాణిస్తాం. ఈ మ్యాచ్‌లో ఇంగ్లాండ్ 360 పరుగులు చేస్తుందని అనుకున్నాం. అయితే, బౌలర్లు కట్టుదిట్టంగా బంతులేసి తక్కువ స్కోరుకే కట్టడి చేశారు. ఇందుకు సంతోషంగా ఉంది" అని కోహ్లీ తెలిపాడు.