Click it and Unblock the Notifications
ఐపీఎల్‌కు దూరం?:
ఐపీఎల్-13 సీజన్‌కు ఆస్ట్రేలియా ప్లేయర్లు దూరమయ్యే అవకాశాలు ఉన్నాయని సమాచారం తెలుస్తోంది. అయితే దీనిపై ఇప్పటివరకైతే ఎలాంటి అధికారిక ప్రకటన వెలువడలేదు. క్రికెట్ ఆస్ట్రేలియా సీఈవో కెవిన్‌ రాబర్డ్స్‌ మాట్లాడుతూ... 'మేం ఆటగాళ్లకి సలహాలు మాత్రమే ఇవ్వగలం. అంతిమ నిర్ణయం ఆటగాళ్లదే. అయితే ఆటగాళ్లు ఐపీఎల్లో వ్యక్తిగత ఒప్పందాలు కుదుర్చుకున్నారు. బీసీసీఐ, ఐపీఎల్ డివిజన్‌ కూడా ఒక దృక్పథం ఉంటుంది. బీసీసీఐతో మా ఆటగాళ్లు సంప్రదించి పరిస్థితులకు తగ్గట్లుగా ఓ నిర్ణయానికి వస్తారని ఆశిస్తున్నాం' అని తెలిపారు.
ఒప్పందాలు రద్దు:
ఐపీఎల్లో వివిధ ప్రాంఛైజీలతో 17 మంది ఆసీస్ ప్లేయర్లు ఒప్పందాలు కుదుర్చుకున్నారు. పాట్ కమిన్స్‌, స్టీవ్‌ స్మిత్‌, డేవిడ్ వార్నర్‌, గ్లెన్ మాక్స్‌వెల్‌ తమ ఒప్పందాలను రద్దు చేసుకుంటారని ఆసీస్ మీడియా పేర్కొంది. గతేడాది డిసెంబర్ నెలలో జరిగిన ఐపీఎల్ వేలంలో కంగారూలపై కాసుల వర్షం కురిసిన సంగతి తెలిసిందే. పాట్ కమిన్స్‌ను రూ.15.5 కోట్లకు కోల్కతా నైట్‌ రైడర్స్‌ సొంతం చేసుకోగా.. మాక్స్‌వెల్‌ను రూ.10.75 కోట్లకు కింగ్స్‌ ఎలెవన్‌ పంజాబ్‌ దక్కించుకుంది. ఐపీఎల్‌తో పాటు 'ది హండ్రెడ్' సిరీస్‌కు కూడా ఆసీస్ ప్లేయర్లు దూరమవుతారని సమాచారం.
స్టార్క్‌కు ఎదురుదెబ్బ:
ఆస్ట్రేలియా మరో స్టార్ పేసర్ మిచెల్ స్టార్క్‌కు గట్టి ఎదురుదెబ్బ తగలనుంది. ఐపీఎల్ 2018 సీజన్‌లో తనకు రావాల్సిన రూ.9.6 కోట్ల పారితోషకాన్ని ఈ స్టార్ పేసర్ కోల్పోనున్నాడు. 2018 సీజన్‌లో గాయం కార‌ణంగా స్టార్క్ ఆడ‌లేదు. ఆ ఏడాది అత‌న్ని కోల్కతా నైట్‌రైడ‌ర్స్ కొనుగోలు చేసింది. ఈ సీజన్ ముగిసిన తర్వాతా స్టార్క్‌ను కేకేఆర్ రిలీజ్ చేసింది. 2019 వ‌న్డే ప్ర‌పంచ‌క‌ప్ ఉండ‌టంతో గత సీజన్ ఐపీఎల్లో స్టార్క్ ఆడ‌లేదు. ఉద్దేశ పూర్వకంగా స్టార్క్ ఐపీఎల్‌కు దూర‌మ‌య్యాడ‌ని, అత‌నికి అయిన గాయం ఆకస్మాత్తుగా కాలేద‌ని కోర్టులో తేలింది. దీంతో తన పారితోషకాన్ని కోల్పోనున్నాడు.
