సంక్లిష్టమైన టెక్నిక్, ఓ క్రమపద్ధతిలో ఆలోచించే విధానం: స్మిత్ విజయం రహస్యం వెల్లడి

స్మిత్‌ 121 ఇన్నింగ్స్‌ల్లో 26 సెంచరీలు సాధించగా

స్టీవ్ స్మిత్‌ 121 ఇన్నింగ్స్‌ల్లో 26 సెంచరీలు సాధించగా... సచిన్ టెండూల్కర్ 136 ఇన్నింగ్స్‌ల్లో చేశాడు. తన రికార్డుని అధిగమించిన నేపథ్యంలో క్రికెట్ లెజెండ్ సచిన్ టెండూల్కర్ ట్విట్టర్‌లో స్టీవ్ స్మిత్‌పై ప్రశంసల వర్షం కురిపించాడు. స్మిత్ డబుల్ సెంచరీ చేసిన ఫోటోను పోస్టు చేస్తూ "సంక్లిష్టమైన టెక్నిక్, ఓ క్రమపద్ధతిలో ఆలోచించే విధానం స్మిత్‌ను మిగతా క్రికెటర్ల కంటే భిన్నంగా నిలుపుతోంది" అంటూ కామెంట్ పెట్టాడు.

వరుసగా ఎనిమిది సార్లు 50కిపైగా స్కోర్లు

ఏడాది నిషేధం తర్వాత అంతర్జాతీయ క్రికెట్‌లోకి తన పునరాగమనాన్ని స్టీవ్ స్మిత్ ఘనంగా చాటాడు. ఐసీసీ టెస్టు చాంపియన్‌షిప్‌లో భాగంగా ఇంగ్లాండ్‌తో ప్రస్తుతం జరుగుతున్న యాషెస్ సిరిస్‌లో చెలరేగి ఆడుతున్నాడు. యాషెస్‌లో వరుసగా ఎనిమిది సార్లు 50కిపైగా స్కోర్లు సాధించిన ఆటగాడిగా అరుదైన ఘనత సాధించాడు.

తొలి ఇన్నింగ్స్‌‌ను 497/8 వద్ద డిక్లేర్‌ చేసిన ఆస్ట్రేలియా

యాషెస్ సిరిస్‌లో గత ఎనిమిది ఇన్నింగ్స్‌ల్లో 239, 76, 102 నాటౌట్, 83, 144, 142, 92, 211 పరుగులు సాధించాడు. నాలుగో టెస్టులో స్టీవ్ స్మిత్ సెంచరీ సాధించడంతో ఆస్ట్రేలియా తన తొలి ఇన్నింగ్స్‌‌ను 497/8 వద్ద డిక్లేర్‌ చేసింది. తర్వాత తొలి ఇన్నింగ్స్‌కు దిగిన ఇంగ్లండ్‌ రోజు ముగిసేసరికి ఓపెనర్‌ డెన్లీ (4) వికెట్‌ కోల్పోయి 23 పరుగులు చేసింది.

ఈ సిరిస్‌లో ఇప్పటికే 589 పరుగులు

యాషెస్‌ సిరీస్‌ ద్వారా టెస్టుల్లో రీ ఎంట్రీ ఇచ్చిన స్మిత్‌ తొలి టెస్టులో (144, 142), రెండో టెస్టు తొలి ఇన్నింగ్స్‌లో 92 పరుగులు చేశాడు. రెండో టెస్టులో ఆర్చర్‌ వేసిన బంతికి గాయపడిన అతడు రెండో ఇన్నింగ్స్‌లో, మూడో టెస్టుకు దూరమయ్యాడు. నాలుగో టెస్టులో డబుల్‌ సెంచరీతో సాధించాడు. ఈ యాషెస్‌ సిరీస్‌లో ఇప్పటివరకూ స్మిత్‌ 147. 25 సగటుతో 589 పరుగులు సాధించాడు.