Click it and Unblock the Notifications
స్క్వేర్‌లెగ్ దిశగా పాక్ బ్యాట్స్‌మెన్ అష్రప్
ఈ క్రమంలో ఓ గమ్మత్తైన పరిణామం చోటు చేసుకుంది. మ్యాచ్‌లో 49వ ఓవర్ వేసిన న్యూజిలాండ్ ఫాస్ట్ బౌలర్ ట్రెంట్ బౌల్ట్ బౌలింగ్‌లో బంతిని పాక్ బ్యాట్స్‌మెన్ అష్రప్ స్క్వేర్‌లెగ్ దిశగా హిట్ చేశాడు. బంతి కాస్త బౌండరీ లైన్‌ వైపుకు వెళ్తుండటంతో అక్కడ ఎవరూ ఫీల్డర్ లేరని గమనించి పరుగు కోసం అష్రఫ్‌ - ఆసిఫ్ అలీల జోడీ పరుగులు తీయడం మొదలుపెట్టారు.
న్యూజిలాండ్ వికెట్ కీపర్ టామ్ లాథమ్‌కి
వికెట్ల మధ్య వేగంగా పరుగెత్తుతూ రెండు పరుగులు పూర్తి చేసి.. మూడో పరుగు కోసం కూడా పరుగెత్తింది. అప్పటికే అక్కడికి చేరుకున్న ఫీల్డర్.. బంతిని అందుకుని న్యూజిలాండ్ వికెట్ కీపర్ టామ్ లాథమ్‌కి అందించాడు. బంతిని అందుకోగానే.. నాన్‌స్ట్రైక్‌ ఎండ్‌వైపు రనౌట్ కోసం విసిరాడు. అదికాస్తా.. గురి తప్పి.. మిడాన్ దిశగా దూసుకెళ్లింది.
|
మళ్లీ అందించినా.. దాన్ని వదిలేశాడు
పరుగుతీసేందుకు మరో అవకాశం దొరకడంతో నాలుగో పరుగుని కూడా పాక్ పూర్తి చేసేసింది. ఆ తర్వాత మిడాన్ ఫీల్డర్ బంతిని అందుకుని.. మళ్లీ వికెట్ కీపర్‌కి అందించగా.. దాన్ని అతను వదిలేశాడు. దీంతో.. పాక్ ఐదో పరుగును కూడా పూర్తి చేయడంతో దాదాపు స్టేడియమంతా నవ్వేసింది.
పాకిస్థాన్ 8 వికెట్ల నష్టానికి 279 పరుగులు
ఈ మ్యాచ్‌లో తొలుత బ్యాటింగ్ చేసిన పాకిస్థాన్ జట్టు నిర్ణీత 50 ఓవర్లలో 8 వికెట్ల నష్టానికి 279 పరుగులు చేసింది. లక్ష్య ఛేదనకు దిగిన కివీస్ 6.5 ఓవర్లకి 35/1తో నిలిచిన దశలో వర్షం వచ్చింది. దీంతో అనుకోని అవాంతరంతో ఆట కొనసాగే అవకాశం లేకుండాపోయింది. ఈ క్రమంలో అంపైర్లు మ్యాచ్‌ని రద్దు చేయాల్సి వచ్చింది.
