తీరికలేని షెడ్యూల్ వల్లే ఫీల్డింగ్‌ తప్పిదాలు ఎక్కువయ్యాయి: టీమిండియా కోచ్

Coach R Sridhar says Hectic travelling reason behind Indias poor fielding

ఆక్లాండ్‌: గతేడాది జరిగిన వెస్టిండీస్‌ సిరీస్‌ నుంచి క్యాచులు వదిలేయడం ఎక్కువైంది. ఫీల్డింగ్‌ దిగజారింది అని టీమిండియా ఫీల్డింగ్‌ కోచ్‌ ఆర్‌.శ్రీధర్‌ అంగీకరించారు. తీరికలేని షెడ్యూల్ వల్లే ఫీల్డింగ్‌ తప్పిదాలు జరుగుతున్నాయి. వెంటవెంటనే ప్రయాణాలు చేయడంతో ప్రాక్టీస్ చేసేందుకు ఎక్కువగా సమయం దొరకడం లేదని ఆయన పేర్కొన్నారు. బుధవారం న్యూజిలాండ్‌తో జరిగిన తొలి వన్డేలో టీమిండియాకు ఊహించని షాక్‌ తగలిన విషయం తెలిసిందే.

IND vs NZ 2nd ODI Preview: రెండు మార్పులతో భారత్.. తుది జట్టు ఇదే?

సులువైన క్యాచ్‌ని జారవిడిచిన కుల్దీప్:

సులువైన క్యాచ్‌ని జారవిడిచిన కుల్దీప్:

తొలి వన్డేలో ఫీల్డింగ్‌ తప్పిదాలతో 348 పరుగుల లక్ష్యాన్ని టీమిండియా కాపాడుకోలేకపోయింది. భారత ఫీల్డర్లు బౌండరీ లైన్ వద్ద తడబడటం, ఓవర్ త్రోలు విసరడం జరిగింది. ఇదంతా ఒకెత్తయితే.. రాస్ టేలర్ సులువైన క్యాచ్‌ని కుల్దీప్ యాదవ్ జారవిరచడం మరోఎత్తు. టేలర్ వ్యక్తిగత స్కోరు 10 వద్ద ఇచ్చిన క్యాచ్‌ని కుల్దీప్ జారవిడచడంతో.. చివరి వరకూ అజేయంగా నిలిచి జట్టుని గెలిపించాడు.

తీరికలేని షెడ్యూలు వల్లే:

తీరికలేని షెడ్యూలు వల్లే:

రెండో వన్డేకు ముందు మీడియా సమావేశంలో కోచ్ శ్రీధర్‌ మాట్లాడుతూ... 'విండీస్ సిరీస్‌ నుంచే క్యాచులు వదిలేయడం ఎక్కువైంది. ఫీల్డింగ్‌ పూర్తిగా దిగజారింది. కానీ.. రెండు మూడేళ్లుగా మా ఫీల్డింగ్‌ చాలా బాగుంది. ప్రపంచకప్‌లో అత్యుత్తమ ప్రదర్శన ఇచ్చాం. టీ20ల్లో ప్రతి ఆటగాడు అన్నివైపులా చురుగ్గా ఉండి ఫీల్డింగ్‌ చేయాలి. ప్రస్తుతం షెడ్యూల్ తీరిక లేకుండా ఉంది. న్యూజిలాండ్‌ టీ20 సిరీస్‌కు ముందు ఫీల్డింగ్‌ డ్రిల్స్‌కు ఒక్క సెషన్‌ మాత్రమే దొరికింది. టైట్ షెడ్యూల్ కారణంగా ప్రాక్టీస్ చేసేందుకు అవకాశం ఉండదు' అని తెలిపారు.

కుల్‌దీప్‌ ఆ క్యాచ్‌ను అందుకుంటే బాగుండేది:

కుల్‌దీప్‌ ఆ క్యాచ్‌ను అందుకుంటే బాగుండేది:

'జట్టు మేనేజ్మెంట్ ఆటగాళ్ల పనిభారాన్ని సమీక్షిస్తుంది. అలసిపోతే సేదతీరేందుకు సమయం ఇస్తున్నాం. ప్రస్తుతం జట్టు ఫిట్‌నెస్‌ స్థాయి అమోఘం. అందుకే పనిభారం ఉన్నా.. త్వరగా అలసట నుంచి తేరుకుంటున్నారు. ఫీల్డింగ్‌ బాగా చేయకపోవడానికి అలసటను సాకుగా చూపొద్దు. టేలర్‌ క్యాచ్‌ను కుల్‌దీప్‌ అందుకుంటే బాగుండేది. అంతక ముందు ఓవర్‌లోనే అతను బౌలింగ్ చేసి ఉండటంతో.. ఆ ఓవర్‌లో పరుగులిచ్చిన తీరు గురించి బహుశా అతను ఆలోచిస్తూ ఉండొచ్చు. అది సాంకేతిక తప్పిదం కాదు' అని శ్రీధర్‌ అన్నారు.

మునుపటి ప్రమాణాల్ని అందుకుంటాం:

మునుపటి ప్రమాణాల్ని అందుకుంటాం:

'కారణాలు ఏవైనప్పటికీ ఫీల్డింగ్‌ మెరుగుపర్చుకొనేందుకు మేం ప్రయత్నిస్తున్నాం. ఆటగాళ్లు చెప్పేది విని సూచనలు చేస్తున్నాం. ఫీల్డింగ్‌లో కెప్టెన్ విరాట్ కోహ్లీ చూపించే శ్రద్ద బాగుంది. అందరూ అతన్ని ఫాలో అవుతున్నారు. కొత్తగా వచ్చే యువకులకు అతడిని ఆదర్శంగా చూపిస్తాం. ఈ ఏడాది అక్టోబరులో జరిగే టీ20 ప్రపంచకప్‌ లోపు మళ్లీ మునుపటి ప్రమాణాల్ని అందుకుంటాం' అని శ్రీధర్‌ ధీమా వ్యక్తం చేసారు. .

For Quick Alerts
ALLOW NOTIFICATIONS
For Daily Alerts
Story first published: Friday, February 7, 2020, 17:33 [IST]
Other articles published on Feb 7, 2020
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more