హైదరాబాద్: క్రిస్ గేల్.... టీ20 క్రికెట్లో ఎన్నో విధ్వంసకర ఇన్నింగ్స్లు ఆడాడు. కానీ స్లిప్లో ఫీల్డర్గా కూడా తాను అద్భుతం చేయగలనని నిరూపించాడు. ప్రస్తుతం కెనడా వేదికగా జరుగుతున్న గ్లోబల్ టీ20 టోర్నీలో వాంకూవర్ నైట్స్ జట్టుకు ఆడుతున్న గేల్ ఓ అద్భుతమైన క్యాచ్ అందుకున్నాడు.
క్రికెట్లోని చాలా అరుదైన క్యాచుల్లో ఇదీ ఒకటని చెప్పొచ్చు. వెస్టిండీస్ బీ టీమ్తో జరిగిన మ్యాచ్లో స్లిప్లో ఫీల్డింగ్ చేస్తున్న గేల్ ఓ స్టన్నింగ్ క్యాచ్ పట్టుకున్నాడు. కావెమ్ హాడ్జ్ కొట్టిన షాట్ను క్రిస్ గేల్ డైవ్ చేసి మరీ అందుకున్నాడు. అయితే ముందు లెఫ్ట్హ్యాండ్తో ఆ క్యాచ్ పట్టుకోవడానికి ప్రయత్నించగా.. అది వేళ్లకు తగిలి పైకి ఎగిరింది.
What a catch from the #UniverseBoss #MotivationMonday #6sInThe6ix @henrygayle pic.twitter.com/GhDmgWDFGi
— GT20 Canada (@GT20Canada) July 16, 2018
దానిని మరోసారి తన కుడి చేతితో అందుకొని క్రిస్ గేల్ ఆశ్చర్యపరిచాడు. క్రిస్ గేల్ సూపర్ మ్యాన్ క్యాచ్ను చూసిన సహచర ఫీల్డర్లు సైతం ఆశ్చర్యపోవడం విశేషం.