బెంగుళూరు టెస్టు: పుజారా రికార్డుల మోత, మ్యాచ్ హైలెట్స్ ఇవే

1000 పరుగులు చేసిన తొలి బ్యాట్స్‌మన్‌ పుజారా

* స్వదేశంలో ఒక సీజన్‌లో మూడో స్థానంలో బ్యాటింగ్‌కు వచ్చి 1000 పరుగులు చేసిన తొలి బ్యాట్స్‌మన్‌ పుజారా. అంతక ముందు పాంటింగ్‌ 965 పరుగుల (2003-04) రికార్డును పుజారా అధిగమించాడు.

* ఒక సీజన్‌లో మూడో స్థానంలో (స్వదేశం, విదేశాల్లో) 1000 పరుగులు చేసిన రెండో భారత ఆటగాడిగా పుజారా చరిత్ర సృష్టించాడు. మొహిందర్‌ అమర్‌నాథ్‌ (965 పరుగులు 1982-83)ను పుజారా అధిగమించాడు. ఈ జాబితాలో మొదటి స్థానంలో క్రికెట్ లెజెండ్ రాహుల్ ద్రవిడ్‌ 1,241 పరుగులతో ఉన్నాడు.

2,055 బంతుల్ని ఎదుర్కొన్న పుజారా

* 2016-17 సీజన్‌లో పుజారా 2,055 బంతుల్ని ఎదుర్కొన్నాడు. తద్వారా స్వదేశంలో ఒక సీజన్‌లో 2000 బంతుల్ని ఎదుర్కొన్న తొలి క్రికెటర్‌గా గుర్తింపు పొందాడు. అంతకముందు విరాట్‌ కోహ్లీ 1,980 బంతుల రికార్డును పుజారా అధిగమించాడు.

* 118 పరుగులు. బెంగళూరు టెస్టులో పుజారా, రహానేలు నెలకొల్పిన భాగస్వామ్యం. ఈ సిరీస్‌లో ఇదే అతిపెద్ద భాగస్వామ్యం.

కోహ్లీ తర్వాత పుజారానే

* రెండో టెస్టు ముూడో రోజు ఆటలో భాగంగా ఒక వికెట్ కూడా పడలేదు. ఈ సిరిస్‌లో ఒక వికెట్ కూడ పడకుండా ఆడిన సెషన్ ఇదే కావడం విశేషం.

* హోం సీజన్‌లో 1000 పరుగులు చేసిన ఇద్దరు ఆటగాళ్లలో రెండో ఆటగాడు పుజారా. అంతకముందు ఈ సీజన్‌లో కోహ్లీ 1000 పరుగులు పూర్తి చేశాడు.

* 2003-04 సీజన్‌లో ఇదే విధంగా వీరేంద్ర సెహ్వాగ్, రాహుల్ ద్రవిడ్‌లు 1000 పరుగులు పూర్తి చేశారు.

టెస్టుల్లో 1000 పరుగులు చేసిన ఓపెనర్ కేఎల్ రాహుల్

* ఓపెనర్ కేఎల్ రాహుల్ టెస్టుల్లో 1000 పరుగులు పూర్తి చేశాడు. ఈ ఘనతను అందుకున్న ఆరో కర్ణాటక బ్యాట్స్ మెన్‌గా అవతరించాడు. అంతక ముందు రాహుల్ ద్రవిడ్, గుండప్ప విశ్వనాథ్, సయ్యద్ కిర్మాణీ, అనిల్ కుంబ్లే, జవగళ్ శ్రీనాథ్‌లు ఈ ఘనత సాధించారు. మొత్తంగా చూస్తే ఈ ఘనత సాధించిన 64వ ఇండియన్ బ్యాట్స్‌మెన్.