ఫైనల్లో భారత్-పాక్?: జూన్ 18న ఫాదర్స్ డే, ట్విట్టర్‌లో 'బేటా' అంటూ ట్రోల్

హైదరాబాద్: ఐసీసీ ఛాంపియన్స్ ట్రోఫీలో పాకిస్థాన్ ఫైనల్‌కు చేరుకుంది. బుధవారం ఇంగ్లాండ్‌తో జరిగిన తొలి సెమీ ఫైనల్ మ్యాచ్‌లో పాకిస్థాన్ 8 వికెట్ల తేడాతో ఘన విజయం సాధించి పైనల్‌కు చేరింది. దీంతో క్రికెట్ అభిమానులు ఫైనల్‌లో భారత్-పాకిస్థాన్ జట్లు తలపడాలని కోరుకుంటున్నారు.

ఛాంపియన్స్ ట్రోఫీ స్పెషల్ | ఫోటోలు | స్కోరు కార్డు

ఈ మేరకు సోషల్ మీడియాలో పెద్ద ఎత్తున ప్రచారం చేస్తున్నారు. ఐసీసీ ఛాంపియన్స్ ట్రోఫీలో గురువారం జరిగే రెండో సెమీ ఫైనల్లో భారత్, బంగ్లాదేశ్‌ను ఢీకొంటుంది. ఈ మ్యాచ్‌లో భారత్ విజయం సాధిస్తే జూన్ 18(ఆదివారం) ఫాదర్స్ డే రోజున జరిగే పైనల్లో పాక్‌ను ఢీకొడుతుంది.

లండన్‌లోని ది ఓవల్ వేదికగా ఛాంపియన్స్ ట్రోఫీ పైనల్ జరగనుంది. ఈ మ్యాచ్ ఆదివారం మధ్యాహ్నాం 3 గంటలకు ప్రారంభం కానుంది. తొలిసారి సెమీ పైనల్‌కు చేరుకున్న బంగ్లాదేశ్ ఈ మ్యాచ్‌లో భారత్‌పై విజయం సాధించాలని బంగ్లా అభిమానులు పెద్ద ఎత్తున పూజులు చేస్తున్నారు.

అంతేకాదు ఈ మ్యాచ్‌లో బంగ్లాదేశ్ విజయం సాధిస్తే ఛాంపియన్స్ ట్రోఫీలో తొలిసారి పైనల్‌కు చేరి చరిత్ర సృష్టిస్తుంది. టోర్నీలో అసాంతం అద్భుత ప్రదర్శన చేసిన ఇంగ్లాండ్ సెమీ ఫైనల్ మ్యాచ్‌లో పాకిస్థాన్ చేతిలో చిత్తుగా ఓడిపోయింది. ఈ క్రమంలో ఫైనల్లో భారత్-పాక్ జట్ల మధ్య మ్యాచ్ జరగాలంటూ సోషల్ మీడియాలో అభిమానులు జోకులు వేస్తున్నారు.

ఛాంపియన్స్ ట్రోఫీలో భాగంగా జూన్ 4న జరిగిన తన తొలి మ్యాచ్‌లో పాకిస్థాన్‌పై టీమిండియా ఘన విజయం సాధించిన సంగతి తెలిసిందే.