Ben Duckett Century: చరిత్ర సృష్టించిన బెన్ డకెట్ - ఛాంపియన్స్ ట్రోఫీలో మరో సెన్సేషనల్ సెంచరీ

ఛాంపియన్స్ ట్రోఫీలో మరో సెన్సేషన్ సెంచరీ నమోదైంది. ఈ మెగా టోర్నీలో భాగంగా తాజాగా ఆస్ట్రేలియాతో జరుగుతోన్న మ్యాచ్ లో ఇంగ్లాండ్ ఏకంగా 351 పరుగులు చేసి అదరగట్టింది. ఈ క్రమంలోనే బెన్ డకెట్ చరిత్ర సృష్టించాడు. ఇన్నింగ్స్ లో ముందుగా కళ్లు చెదిరే సెంచరీతో శతకొట్టాడు. ఈ ఇన్నింగ్స్ లో 95 బంతుల్లో సెంచరీ మార్క్ ను టచ్ చేసిన డకెట్.. మరో 39 బంతుల్లో 150 పరుగుల మార్క్ ను టచ్ చేశాడు.తద్వారా ఐసీసీ టోర్నమెంట్ అరంగేట్రంలోనే సెంచరీ చేసిన ఆటగాడిగా నిలిచాడు.

చరిత్ర సృష్టించిన డకెట్
మొత్తంగా ఈ ఇన్నింగ్స్‌తో 165 పరుగులు చేశాడు బెన్ డకెట్. తద్వారా ఛాంపియన్స్ ట్రోఫీలోనే అత్యధిక పరుగులు చేసిన బ్యాటర్‌గా నిలిచాడు. బన్ డకెట్ కన్నా ముందు ఈ రికార్డు న్యూజిలాండ్ నాథన్ ఆస్ట్లే పేరిట ఉంది. 2004 ఛాంపియన్స్ ట్రోఫీలో ఆస్ట్లే .. యూఎస్ఏ జట్టుపై 177 బంతుల్లో 145 అజేయ పరుగులు చేశాడు.

ఇక ఈ మ్యాచ్ లోని ఇంగ్లాండ్ ఇన్నింగ్స్ విషయానికొస్తే.. బెన్ డకెట్ (143 బంతుల్లో 17 ఫోర్లు, 3 సిక్స్ ల సాయంతో 165) సెంచరీ తోడవ్వడంతో ఆస్ట్రేలియా ముందు ఏకంగా 352 పరుగుల లక్ష్యాన్ని నిర్దేశించింది. ఇంకా ఈ ఇన్నింగ్స్ లో జో రూట్ (78 బంతుల్లో 4 ఫోర్ల సాయంతో 68) రాణించాడు. జోస్ బట్లర్ (23), లివింగ్‌స్టన్ (14) నామమాత్రపు పరుగులు చేశారు.