ఇప్పటిదాకా ఏ ఐసీసీ ట్రోఫీని గెలవని ఇంగ్లాండ్‌ ఈసారైనా?

వన్డేలకు పనికి రాదని తేల్చేశారు

దీంతో ఇంగ్లాండ్‌ వన్డేలకు పనికి రాదని తేల్చేశారు. అయితే ఏమైందో ఏమో గానీ 2015 వరల్డ్ కప్ ముగిసిన తర్వాత ఇంగ్లాండ్‌ జట్టు ఆటతీరే మారిపోయింది. వన్డే క్రికెట్‌లో దూకుడు పెంచింది. హేల్స్, జాసన్ రాయ్ లాంటి యువ ఆటగాళ్లతో పాటు పరిమిత ఓవర్ల స్పెషలిస్టులు ఆ జట్టులో చేరారు.

ఇంగ్లాండ్ వన్డే చరిత్రనే మార్చివేశారు

దీంతో అద్భుతమైన ఇన్నింగ్స్‌లతో ఇంగ్లాండ్ వన్డే చరిత్రనే మార్చివేశారు. వీరికి తోడు ఇయాన్ మోర్గాన్‌, జోస్ బట్లర్‌, బెన్ స్టోక్స్‌ లాంటి విధ్వంసకర ఆటగాళ్లు ఉన్నారు. పరిమిత ఓవర్ల ఫార్మెట్‌లో పరుగుల వరద పారించడంలో కోహ్లీ తర్వాత ఇంగ్లాండ్ ఆటగాడు జో రూట్ అంతటి పేరు తెచ్చుకున్నాడు.

పరిమిత ఓవర్ల క్రికెట్లో అత్యంత ప్రమాదకర జట్లలో ఒకటి

దీంతో పరిమిత ఓవర్ల క్రికెట్లో అత్యంత ప్రమాదకర జట్లలో ఇంగ్లాండ్ ఒకటిగా మారింది. గతేడాది టీ20 వరల్డ్ కప్‌లో అద్భుత ప్రదర్శనతో ఫైనల్‌‌కు చేరింది. ఒకప్పుడు 300 స్కోర్లు చేయడానికి చాలా కష్టపడిపోయిన ఇంగ్లాండ్‌ ఇప్పుడు మూడొందలు పరుగులంటే అలవోకగా సాధిస్తోంది.

గత రెండేళ్లలో 21 సార్లు 300కు పైగా పరుగులు

గత రెండేళ్లలో 43 వన్డేలాడిన ఇంగ్లాండ్‌.. ఏకంగా 21 సార్లు 300కు పైగా పరుగులు సాధించడం విశేషం. బౌలింగ్‌ గొప్పగా లేకపోయినా, స్థానికి పరిస్థితులు ఇంగ్లాండ్‌కు కలిసొచ్చే అంశం. జట్టు ఫీల్డింగ్‌ కూడా బాగుంది.