'బుమ్రా, భువీలు సరే, కోహ్లీకి మాత్రం కష్టకాలం మొదలైనట్లే'

ఇంగ్లాండ్‌లో విరాట్‌కు ఇబ్బందులు

కోహ్లీ ఇంగ్లాండ్ గడ్డపై నెగ్గుకురావడం అంత సుల‌భం కాద‌ని ఆస్ట్రేలియా దిగ్గ‌జ ఫాస్ట్ బౌల‌ర్ మెక్‌గ్రాత్ అభిప్రాయ‌ప‌డ్డాడు. ఇంగ్లాండ్‌లో విరాట్‌కు ఇబ్బందులు త‌ప్ప‌వని మెక్‌గ్రాత్ తాజాగా ఓ ఇంట‌ర్వ్యూలో చెప్పాడు. ఇంగ్లండ్ ఫాస్ట్‌బౌల‌ర్ అండ‌ర్స‌న్‌ను ఎదుర్కొని ప‌రుగులు చేయ‌డం కోహ్లీకి అంత సుల‌భం కాద‌ని పేర్కొన్నాడు. ప్రస్తుతం సొంత గడ్డపై సత్తాచాటుతున్న అండర్సన్‌.. కోహ్లిపై పైచేయి సాధించడం ఖాయమని జోస్యం చెప్పాడు.

అండర్సన్‌ బౌలింగ్‌లో కోహ్లి తడబడతాడనే:

‘విరాట్‌ కోహ్లి అనుభవం ఉన్న ఆటగాడు. నాణ్యమైన ఆటగాడు కూడా. ఇందులో ఎలాంటి అనుమానం లేదు. కానీ అక్కడ పరిస్థితులు మనకు అనుగుణంగా ఉండవు. ఆ జట్టు బౌలర్‌ అండర్సన్‌ ప్రస్తుతం అద్భుతంగా రాణిస్తున్నాడు. అండర్సన్‌ బౌలింగ్‌ను ఎదుర్కొనే క్రమంలో కోహ్లి తడబడతాడనే అనుకుంటున్నా.

జట్టంతా ఏ ఒక్క ఆటగాడిపైనో ఆధారపడటం

ఇంగ్లిష్‌ పర్యటనలో జట్టంతా ఏ ఒక్క ఆటగాడిపైనో ఆధారపడటం సరికాదు. ఒకవేళ ఏదైనా మ్యాచ్‌లో అతడు ఫెయిలైనా మిగిలిన వారు తమ వంతు బాధ్యత నిర్వర్తించాలి. భారత జట్టులో చతేశ్వర పుజారా కీలక ఆటగాడు. మరి ఈ పర్యటనలో ఏ మేరకు రాణిస్తాడో చూడాలి.

భువనేశ్వర్‌, బుమ్రా చాలా బాగా బౌలింగ్‌ వేస్తున్నా

భారత బౌలర్లు భువనేశ్వర్‌, బుమ్రా చాలా బాగా బౌలింగ్‌ వేస్తున్నారు. నా అంచ‌నా ప్ర‌కారం ఈ ప‌ర్య‌ట‌న‌లో పూజారా బాగా రాణిస్తాడ‌నుకుంటున్నా. భార‌త బౌల‌ర్లు బుమ్రా, భువ‌నేశ్వ‌ర్‌లు కూడా క‌చ్చితంగా స‌త్తా చాటుతారు` అని మెక్‌గ్రాత్ అభిప్రాయ‌ప‌డ్డాడు.