సల్మాన్ కు ఐపియల్ మోజు

ముంబై: బాలీవుడ్ నటుడు సల్మాన్ ఖాన్ 2011కల్లా ఓ ఐపియల్ ఫ్రాంచైజ్ ను కొనుగోలు చేయడానికి సిద్దపడుతున్నాడు. కొచ్చి లేదా నాగపూర్ లో ఈ ఫ్రాంచైజ్ ను కొనుగోలు చేయాలనేది ఆయన ఆలోచనగా చెబుతున్నారు. ఈ విషయాన్ని ఐపియల్ చైర్మన్ లలిత్ మోడీ స్వయంగా చెప్పారు. సల్మాన్ ఖాన్ బుధవారం సాయంత్రం లలిత్ మోడీని కలిశాడు.

ఐపియల్ ఫ్రాంచైజ్ ను కొనుగోలు చేయడానికి గల నిబంధనలను సల్మాన్ తెలుసుకున్నట్లు లలిత్ మోడీ చెప్పారు. అయితే ఐపియల్ - 4లోకొత్త జట్టును కొనుగోలు చేయడానికి పెద్ద మొత్తంలో సొమ్ము చెల్లించాల్సి ఉంటుంది. 1000 కోట్ల నుంచి 1500 కోట్ల వరకు అవుతుంది. ఐపియల్ 4లో రెండు జట్లు కొత్తగా చేరుతాయని, ఈ జట్లను కొనుగోలు చేయడానికి చాలా మంది ముందుకు వస్తున్నారని మోడీ చెప్పారు.